Урсула фон дер Лајен: Време е за нова Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Урсула фон дер Лајен: Време е за нова Европа

11 септември 2025

• од Станча Јаќимовски

Претседателката на Европската комисија, Урсула фон дер Лајен, во своето годишно обраќање за состојбата на Унијата порача дека е време Европа да се издигне и да ја изгради својата иднина во свет кој е сè почесто непријателски настроен кон континентот.

Борба за иднината на континентот

Фон дер Лајен нагласи дека Европа води борба за континент кој е целосен, во мир, слободен и независен. Таа посочи дека ова е борба за вредности, демократија и за можноста Европејците сами да ја креираат својата судбина. „Светот денес не простува,“ рече таа, додавајќи дека ЕУ не смее да чека бурите да поминат, туку мора активно да се гради и брани.

Одбрана и безбедност

Претседателката на ЕК подвлече дека Европа мора да се грижи за својата безбедност и одбрана. Според неа, Унијата веќе покажала што може да постигне кога постои заедничка амбиција, но вистинското прашање е дали има доволно храброст, единство и политичка волја. Таа откри дека мобилизирани се 800 милијарди евра, вклучувајќи ја и програмата SAFE, со цел зајакнување на источниот фланг на Европа. На следниот Совет на ЕУ ќе биде претставена патна карта за развој на одбранбени проекти.

Поддршка за Украина

Во врска со војната во Украина, фон дер Лајен порача дека конфликтот мора да заврши со траен и праведен мир за Киев. Таа изрази сомнеж дека Владимир Путин е подготвен за мировни преговори, особено по најновите масовни руски напади со ракети и дронови. ЕУ досега обезбедила 170 милијарди евра воена и финансиска помош за Украина, а се разгледува и можноста за нов заем со користење на замрзнатите руски средства.

Кризи на Блискиот исток

Фон дер Лајен ја спомена и ситуацијата во Газа, нарекувајќи ја глобален шок за светот. Таа осуди употреба на гладот како оружје и најави создавање донаторска група за Палестина. Европската комисија, според неа, ќе предложи санкции против екстремистички министри во израелската влада и насилни заселници на Западниот Брег, а истовремено ја потврди поддршката за решение со две држави.

Економија и трговија

Фон дер Лајен изјави дека независноста на Европа зависи од нејзината конкурентност и најави инвестиции во дигитални и зелени технологии. Таа ја нагласи важноста на трговските односи со САД, од кои зависат милиони европски работни места. Новата трговска спогодба со Вашингтон, според неа, обезбедува стабилност и предност за европските компании, додека Унијата продолжува да гради нови договори со партнери како Индија, Мексико и Меркосур.

Социјални и медиумски политики

Европската комисија ќе покрене програма за медиумска отпорност со цел да ја зајакне независната новинарска работа. Во новиот буџет се зголемени средствата за медиумите, а најавени се и пакети за финансиска достапност и подобрување на животниот стандард. Целта на ЕУ е да ја искорени сиромаштијата до 2050 година, рече фон дер Лајен.