В'лчев најави блокади во ЕП ако не се прифатат бугарските предлози за С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

В'лчев најави блокади во ЕП ако не се прифатат бугарските предлози за С. Македонија

30 јуни 2025

• од Станча Јаќимовски

Европратеникот Ивајло В'лчев изјави дека Бугарија ќе ги искористи сите можни средства што ги дозволува правилникот на Европскиот парламент за да ја брани својата позиција во врска со извештајот за напредокот на Република Северна Македонија на патот кон членство во Европската Унија. Во изјава за БНР, В'лчев нагласи дека иако сите 17 бугарски европратеници застанале зад една заедничка позиција, тоа не значи дека сите работеле заеднички на овој случај.

„Само јас и Станислав Стоянов од бугарска страна директно работевме на извештајот. Ние сме единствените кои имаат право да доставуваат предлози и да испраќаат материјали поврзани со овој документ. Поддршката од колегите ме радува и сум благодарен за неа,“ истакна В'лчев.

Тој појасни дека последната дебата околу извештајот ќе се одржи на 8 јули, додека самото гласање е закажано за 9 јули. Според В'лчев, работата на известувачот на Европскиот парламент треба да биде објективна и да вклучи разговори со сите засегнати страни. „Известувачот Томас Вајц разговараше само со официјалните македонски власти и институции и ниту еднаш не се сретна со претставници на етничките малцинства во Северна Македонија,“ рече В'лчев, дополнувајќи дека претседателот на надворешната комисија сепак ја оценил неговата работа како „перфектна“.

Во врска со бугарските амандмани, В'лчев нагласи дека тие наишле на отпор во рамките на групата на известувачите. „Нашите предлози не беа вклучени во таканаречените компромисни текстови, кои треба да ги обединат различните ставови. Но ние уште од самиот почеток алармиравме за проблематичните точки во извештајот,“ објасни европратеникот.

Тој подвлече дека за да има јасен и силен одговор на ставовите на Скопје, неопходно е и бугарските институции на највисоко ниво да се вклучат во јавната комуникација. „Кога од другата страна секојдневно се огласуваат премиерот, претседателот и министерот за надворешни работи, тогаш и нашиот одговор мора да доаѓа од исто такво ниво,“ истакна В'лчев.

Во пресрет на гласањето, В'лчев изрази воздржаност: „Не сум спокоен додека не видам дека текстот е усвоен во пленарната сала. ЕНП мора да го исполни својот ангажман и да ги внесе амандманите во писмена форма. Усните амандмани не се сериозен пристап.“ Доколку тоа не го стори ЕНП, В'лчев најави дека тоа ќе го преземе групата на европските конзерватори и реформисти. „Ќе го искористиме сето она што правилникот ни го дозволува како оружје,“ подвлече европратеникот.