Внук на Гоце Делчев протестира со плакат: Тито ве направи Македонисти, Мицкоски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Внук на Гоце Делчев протестира со плакат: Тито ве направи Македонисти, Мицкоски – Србомани

15 јуни 2025

• од Станча Јаќимовски

Пред амбасадата на Република Северна Македонија во Софија, младежката организација на бугарската ВМРО организираше протест, изразувајќи незадоволство поради осудата на Љупчо Георгиевски — претседател на затворениот бугарски клуб во Битола. Според учесниците на протестот, оваа пресуда претставува напад врз сите Македонци со бугарска самосвест.

Љупчо Георгиевски беше осуден на условна казна од една година со двегодишен испитен рок, поради тоа што на социјалните мрежи цитирал историскиот лидер на ВМРО, Иван Михајлов. Според бугарските демонстранти, ова е директно прекршување на слободата на изразување и ревизија на историјата.

На митингот се обрати и бугарскиот европратеник Ангел Џамбаски, кој остро ја осуди пресудата. „Ова не е само пресуда над Георгиевски – ова е пресуда над сите македонски Бугари“, изјави тој, додавајќи дека нема да има поддршка за започнување на преговори со „држава со севернокорејски менталитет“. Џамбаски побара и воведување на лични санкции против македонски функционери вклучени во, како што ги нарече, „репресиите врз Бугарите во Македонија“.

Посебно внимание предизвика присуството на Христо Христов, диригент и потомок на семејството на Гоце Делчев. Тој носеше транспарент на кој пишуваше: „Тито ве направи Македонисти, а Мицкоски србомани“ — порака која директно ги обвинува македонските историски и актуелни политички елити за политичко и национално преобликување.

Протестот е дел од поширока кампања на бугарските националистички кругови кои бараат меѓународен притисок врз Скопје, пред сè во контекст на европските интеграции. Организаторите најавија и иницијативи во Европскиот парламент, со цел да се осуди пресудата против Георгиевски и, според нив, дискриминацијата на Бугарите во Северна Македонија.