Во Бугарскиот град Благоевград се славеше Илинденското востание со панихида и почести

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Во Бугарскиот град Благоевград се славеше Илинденското востание со панихида и почести

02 август 2025

• од Станча Јаќимовски

Благоевградската јавност свечено ја одбележа 122-годишнината од избувнувањето на Илинденско-Преображенското востание, како и 165 години од раѓањето на првиот почесен граѓанин на некогашната Горна Џумаја – Леон Ламуш.

Чествувањата започнаа со панихида во чест на хероите што ги положиле своите животи за верата и слободата на Бугарија. Венци и цвеќе беа положени на меморијалот „Делчев род“, кој се наоѓа во дворот на црквата „Воведение Богородично“.

Свечената програма продолжи со воен ритуал на плоштадот „Македонија“, каде беа положени цвеќиња пред споменикот на великанот на македонското револуционерно движење – Гоце Делчев. Потоа беше откриена и информативна табла со податоци за животот и делото на Леон Ламуш – човек кој оставил значајна трага во историјата на регионот.

Градоначалникот на Благоевград, Методи Бајкушев, се обрати пред присутните, потсетувајќи на историските околности што довеле до избувнувањето на востанието во 1903 година. Тој го нагласи значењето на овие настани за слободата и националната самосвест на македонските Бугари.

Актерот од Драмскиот театар „Никола Вапцаров“, Александар Митев, настапи со поетското слово „Илинден не умира“, потсетувајќи ја публиката на трајната симболика на Илинден во борбата за слобода.

Пред новооткриената табла за Леон Ламуш, за неговиот живот и придонес зборуваа претседателката на Општинскиот совет, Антоанета Богданова, и научниот секретар на Филијалата на Македонскиот научен институт во Благоевград, Снежана Захариева. Тие го истакнаа значењето на Ламуш како културна и општествена фигура која силно влијаела врз развојот на Горна Џумаја.

На церемонијата присуствуваа и заменик-областниот управител на Благоевград, Христо Ангелов, претставници на културни институции, јавни личности и голем број граѓани. Настанот беше достојна почит кон борците за слобода и зачувување на историското и културното наследство на регионот.