30 август 2025
• од Гоце Кически
Во Чикаго започна 104-от Конгрес на Македонската патриотска организација (МПО) во САД и Канада – една од најстарите и најугледни емигрантски организации во светот. Веста ја соопшти генералниот конзул на Бугарија во Чикаго, Светослав Станков, преку својот профил на Фејсбук.
„Основана во САД во 1922 година од македонски Бугари, МПО го носи во себе заветот на генерации бегалци од географската област Македонија, кои се бореле за слобода, независност и зачувување на својата национална идентичност,“ истакна Станков. Тој додаде дека „МПО е меѓу најдемократските и најприфатливи емигрантски организации, која ги прима во своите редови сите што имаат корени од Македонија и го прифаќаат нејзиниот устав.“
Во својата објава Станков нагласи дека низ годините МПО била доследен чувар на каузата на македонските Бугари и децении ја поддржувала дејноста на последниот лидер на историското ВМРО, Иван Михајлов, вклучително и издавањето на неговите трудови, кои остануваат значаен извор за бугарската и европската историја.
„МПО има огромен придонес и за духовниот живот на бугарската заедница во Северна Америка – таа изградила десетици православни цркви во САД и Канада, голем дел од кои денес се под омофорот на Бугарската патријаршија. Денес МПО претставува жив мост меѓу генерациите – простор на толеранција, каде што новите и старите генерации емигранти од Македонија се гордеат со своите корени и култура,“ рече Светослав Станков.
САД воведуваат визни санкции за палестински функционери: Под забрана и Махмуд Абас
Ненадминливи Понуди Дневно
4.8 (10276 рецензии)
Заштедете 152.00 ден