Вучиќ прозван да открие кој стои зад рускиот паравоен камп во Србија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Вучиќ прозван да открие кој стои зад рускиот паравоен камп во Србија

01 октомври 2025

• од Станча Јаќимовски

Заменик-претседателката на Партијата за слобода и правда, Мариника Тепиќ, го повика српскиот претседател Александар Вучиќ да открие кој е одговорен за формирањето на рускиот паравоен камп во Србија, наменет за обука на терористи и платеници.

Според Тепиќ, три месеци претходно во областа „Сончева река“ бил организиран камп за проруски платеници, зад кој стои извесен Николај од Москва. Таа нагласи дека платениците таму биле подготвувани за создавање немири во други држави.

„Кој е овој Николај, кој му плати на Лазар Поповиќ со криптовалута, а потоа тие средства завршија на негова сметка, за да се исплатат и трошоците за сместување и обука кај управничката Драгица?“, праша Тепиќ.

Обвинувања кон руската дипломатија

Тепиќ дополнително повика и рускиот амбасадор во Белград, Александар Боцан-Харченко, заедно со Вучиќ, да одговорат дали кампот бил организиран по налог на Руско-српскиот комитет за борба против т.н. шарени револуции.

„Како граѓаните можат да бидат сигурни дека во Србија веќе нема вакви паравоени кампови? Како можеме да знаеме дека таму не се обучуваат групи подготвени за масовни напади и терористички акти?“, истакна таа.

Врска со случувањата во Молдавија

Минатата недела молдавската полиција уапси членови на паравоена група која планирала да предизвика хаос за време на изборите, во интерес на проруски политички сили. Некои од приведените признале дека претходно поминале специјална обука во Србија.

Во врска со тоа, српските безбедносни служби уапсија две лица осомничени за организирање борбено-тактичка обука во близина на Лозница.