Зеленски бара поддршка од сојузниците за финансирање на украинската армија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски бара поддршка од сојузниците за финансирање на украинската армија

21 декември 2025

• од Станча Јаќимовски

Украинскиот претседател Володимир Зеленски изјави дека Украина во моментов не е во можност самостојно да ја финансира својата армија, која брои околу 800 илјади војници, поради што се разгледува можноста дел од трошоците да бидат покриени од меѓународните партнери.

Како што пренесува Би-Би-Си, Зеленски нагласил дека за ова прашање веќе води разговори со светските лидери. Според него, делумното финансирање на вооружените сили од страна на сојузниците би претставувало клучна гаранција за безбедноста на Украина.

„Затоа го водам овој дијалог со лидерите, бидејќи го гледам делумното финансирање на нашата армија од страна на партнерите како гаранција за нашата безбедност. Вооружените сили на Украина се гаранција број еден за сигурноста на државата“, изјави Зеленски, цитиран од „Украинска правда“.

Тој додаде дека на Украина ќе ѝ биде потребно време за да ја стабилизира и зајакне поствоената економија, со цел во иднина самостојно да може да ја финансира армијата. „До тогаш, потребна ни е помошта од партнерите“, истакна украинскиот претседател.

Во меѓувреме, „Њујорк тајмс“ објави дека во ажурираниот мировен план, за кој во Берлин разговарале САД, Украина и европските сојузници, се предвидува силна украинска армија во мирновременски услови, со бројност од околу 800 илјади припадници.