Зеленски бара силна реакција од САД доколку Путин одбие средба

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски бара силна реакција од САД доколку Путин одбие средба

21 август 2025

• од Станча Јаќимовски

Украинскиот претседател Володимир Зеленски изјави дека Киев очекува „силна реакција“ од Вашингтон, доколку рускиот лидер Владимир Путин не прифати предлог за директна средба. Изјавата ја пренесува Би-би-си.

„Веднаш одговорив на предлогот за билатерална средба: ние сме подготвени. Но што ќе се случи ако Русите не се подготвени?“, изјави Зеленски пред новинарите во Киев. „Ако Русите не се подготвени, би сакале да видиме силна реакција од Соединетите Американски Држави.“

Несигурен пат кон мир

И покрај дипломатските разговори во последните денови меѓу американскиот претседател Доналд Трамп и неговите руски и украински колеги, патот кон мир во Украина останува неизвесен. Вашингтон и сојузниците сè уште размислуваат за можни гаранции за безбедност на Киев.

Русија започна целосна инвазија врз Украина во февруари 2022 година и во моментот контролира речиси 20% од украинската територија. Во последните месеци Москва бележи постепено напредување на источниот фронт, иако војната се одвива претежно како исцрпувачки конфликт.

Зеленски нагласи дека не е познато на какви територијални компромиси е подготвена Москва за да се стави крај на војната. „За да дискутираме што е подготвена да направи Украина, најпрво треба да слушнеме што е подготвена да направи Русија. Тоа засега не го знаеме“, рече украинскиот претседател.

Потенцијални места за средба

Зеленски изјави дека оптимално место за можен состанок би била неутрална европска држава.

„Сметаме дека е праведно, а и Европејците инсистираа, средбата да се одржи во неутрална Европа. Во Украина има војна, и тоа е војна на европскиот континент. Рековме дека сме согласни – Швајцарија, Австрија – тоа се прифатливи опции“, рече тој.

Украинскиот претседател додаде дека не е против одржување на средбата и во Турција. Сепак, тој категорично ја исклучи можноста за самит во Москва, а за Унгарија забележа дека ситуацијата е „комплицирана“, бидејќи оваа земја се спротивставува на поддршката за Украина.

На новинарско прашање за Будапешта како можен домаќин, Зеленски одговори дека тоа би било „предизвикувачко“.

Паралелно, шефот на претседателскиот кабинет, Андреј Јермак, во интервју за италијанскиот весник Corriere della Sera посочи и други потенцијални локации за средбата: Ватикан и Саудиска Арабија.