Зеленски: Контролираниот извоз на оружје ќе го финансира воениот комплекс на Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски: Контролираниот извоз на оружје ќе го финансира воениот комплекс на Украина

20 септември 2025

• од Станча Јаќимовски

Претседателот Володимир Зеленски изјави дека дефицитот во финансирањето за производство на оружје ќе се намали преку контролираниот извоз на одредени видови украинско оружје кои се достапни во количини поголеми од потребните за фронтот. Тој го истакна ова по состанокот на Штабот на Врховниот главнокомандувач, чие главно прашање беше организацијата и зголемувањето на производството на домашно оружје.

„Постојат јасни количества кои им се потребни на нашите сили до крајот на годината, како и она што ќе ни треба следната година и што треба да имаме во складиштата за да ја одржиме доволната сила“, нагласи Зеленски во вечерното обраќање. Тој додаде дека станува збор не само за финансирање на домашното производство, туку и за производство во соработка со партнери и за испораките кон Украина на оружјето што го произведуваат тие партнери.

Зеленски посочи дека „дефицитот во финансирањето за производство на оружје во Украина ќе биде покриен од оваа година, вклучувајќи преку контролираниот извоз на некои видови наше оружје“. Тој објасни дека токму преку тој извоз ќе се обезбедат средства за зголемување на производството на дронови за фронтот и ќе се обезбеди дополнително финансирање.

Претседателот нагласи дека постојат видови современо оружје што Украина може да ги произведува во значително поголеми количини отколку што може самостојно да ги финансира, а некои видови веќе се во вишок во однос на моменталните потреби во земјата. Како пример тој ги наведе „морските дронови“, за кои светот покажува интерес, а во Украина имаат вишок, како и противтенковското оружје и други категории.

Зеленски јасно ги нацрта приоритетите: прво — фронтот и обезбедувањето на бригадите, второ — пополнување на украинските арсенали, и трето — таквиот контролиран извоз. Тој додаде дека овој редослед ќе ги гарантира безбедноста и оперативната спремност на украинските сили.

Во рамки на следните две недели, според претседателот, ќе биде претставена концепцијата која предвидува три нови експортни платформи: првата за извоз и координација со САД, втората за европските партнери и третата за други светски партнери кои покажале интерес за украинското оружје и кои ѝ пружиле различен вид поддршка на Украина. „Тоа е задолжително, за да ни помагаат и тие, за да можеме и ние да им помагаме“, рече Зеленски.

Претседателот исто така нагласи дека украинските компании и армијата имаат огромно искуство со модерни борбени услови и технологии, што ги прави релевантни како производители и партнери на меѓународниот пазар. Во тој контекст Зеленски додава дека Украина нема да се занимава со „вооружена добротворност“ и нема да извршува испораки на оние кои се рамнодушни кон нејзината ситуација.

Со оваа стратегија, според Зеленски, Украина планира да го зајакне своето производство, да ги задоволи потребите на фронтот и истовремено да создаде одржлив извор на финансирање преку внимателно одобруван и контролиран извоз на одредени видови оружје.