06 февруари 2026
• од Станча Јаќимовски
Украинскиот претседател Володимир Зеленски изјави дека по завршувањето на војната Украина има намера да ја задржи бројноста на својата армија на околу 800.000 војници и да премине од мобилизациски модел кон целосно договорна, професионална армија.
На заедничка прес-конференција со полскиот премиер Доналд Туск, кој престојуваше во посета на Украина, Зеленски нагласи дека оваа трансформација ќе се спроведе по крајот на воените дејства или по постигнување прекин на огнот. Според него, новиот систем ќе им овозможи на оние што сакаат доброволно да служат војска, тоа да го прават врз основа на договор.
Претседателот истакна дека ваквата армија мора да биде соодветно платена и дека украинските власти сметаат на финансиска поддршка од европските сојузници за да се обезбедат високи плати и стабилни услови за војниците.
„Украинската армија е дел од безбедносната архитектура на Европа“, изјави Зеленски, додавајќи дека инвестицијата во украинските вооружени сили претставува инвестиција во заедничката европска безбедност, пренесува украинскиот медиум „Украинска правда“.
Возачите на ЈСП ќе ги плаќаат казните од свој џеб за сообраќајни прекршоци
Ненадминливи Понуди Дневно
4.8 (10276 рецензии)
Заштедете 152.00 ден

