Зеленски разговарал со Трамп за можноста за американски војници во Украина и помош за ПВО

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски разговарал со Трамп за можноста за американски војници во Украина и помош за ПВО

31 декември 2025

• од Станча Јаќимовски

Украинскиот претседател Володимир Зеленски изјави дека Киев водел разговори со американскиот претседател Доналд Трамп за можноста за присуство на американски војници во Украина, како дел од предложените американски безбедносни гаранции.

„Секако дека разговараме за ова со претседателот Трамп и со претставниците на коалицијата. Би сакале такво присуство – тоа би била силна позиција кога станува збор за безбедносните гаранции“, изјави Зеленски, цитиран од украинските медиуми.

Во онлајн разговор со новинари, украинскиот претседател нагласи дека Украина останува посветена на продолжување на преговорите за прекин на војната и додаде дека е подготвен да се сретне со рускиот претседател Владимир Путин во каков било формат.

Зеленски, исто така, ги отфрли тврдењата на Москва дека Украина извела дронски напад врз резиденцијата на Путин во Валдаи, оценувајќи ги како целосна измама. Тој истакна дека Киев ги информирал американските партнери за ова и дека тие имаат технички можности да ја проверат веродостојноста на ваквите обвинувања.

„Никој не ја нападнал резиденцијата во Валдаи. Тоа е лажна информација. Сметам дека овие обвинувања се појавија поради релативно успешните и позитивни разговори меѓу нашите тимови и средбата со претседателот Трамп“, изјави Зеленски.

Украинскиот претседател најави и идни средби со европските лидери, со цел координација на следните чекори по завршувањето на војната. Тој додаде дека во јануари се очекува преземање на повеќе значајни дипломатски и политички чекори, но не сакаше да шпекулира за можни испораки на офанзивно оружје.

Во текот на онлајн сесијата, Зеленски откри и дека Трамп му ветил помош за зајакнување на украинската противвоздушна одбрана. Според него, тој побарал ракети за системите NASAMS и Patriot, нагласувајќи дека Украина е подготвена да ги купи преку меѓународни програми, со финансиска поддршка од европските партнери.

„Му ги доставив сите потребни документи со конкретни количини. Само го замолив, ако е можно, да ни помогне. Колку побрзо, толку подобро“, изјави Зеленски, додавајќи дека е благодарен за подготвеноста на американската страна да помогне.