Зеленски разговараше за мирот во Украина со пратениците на Трамп

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски разговараше за мирот во Украина со пратениците на Трамп

25 декември 2025

• од Станча Јаќимовски

Украинскиот претседател Володимир Зеленски одржа разговори со специјалните пратеници на претседателот на САД Доналд Трамп, Стив Виткоф и Џаред Кушнер, посветени на можностите за постигнување траен мир во Украина.

Зеленски ја соопшти веста преку објава на Фејсбук, пренесена од украинската агенција „Укринформ“. Тој го оцени разговорот како „многу добар“ и им се заблагодари на американските претставници за конструктивниот пристап, интензивната работа и празничните честитки упатени до украинскиот народ.

„Ние навистина работиме 24 часа на ден, седум дена во неделата, за да го доближиме крајот на оваа брутална руска војна против Украина и да обезбедиме сите документи и чекори да бидат реални, ефикасни и сигурни“, истакна Зеленски.

Според него, на средбата биле разгледани низа важни детали поврзани со тековната дипломатска работа. „Постојат добри идеи што можат да доведат до заеднички резултат и траен мир. Вистинска безбедност, вистинска обнова и вистински мир – тоа е она што им е потребно на Украина, Соединетите Американски Држави, Европа и сите партнери што ни помагаат“, нагласи украинскиот претседател, изразувајќи надеж дека дискутираните идеи ќе се покажат корисни.

Во разговорите учествувале и високи украински претставници, меѓу кои секретарот на Советот за национална безбедност и одбрана Рустем Умеров, началникот на Генералштабот Андриј Гнатов, министерот за надворешни работи Андриј Сибиха, како и други членови на дипломатскиот и претседателскиот тим. Зеленски потенцира дека целиот тим вложува максимални напори за постигнување напредок.

Двете страни се договориле Умеров повторно да разговара со Виткоф и Кушнер уште истиот ден. „Веруваме дека ова е вистинскиот пристап – да не се изгуби ниту еден ден, ниту една можност што може да нè доближи до резултат“, изјави Зеленски, додавајќи дека преку пратениците ги испратил и божиќните честитки до Доналд Трамп и неговото семејство.

На 23 декември, Зеленски добил детален извештај од Умеров и Гнатов за резултатите од нивните средби со претставници на американската администрација, при што биле подготвени неколку нацрт-документи. Во меѓувреме, Украина продолжува да се соочува со руски напади, додека истовремено изведува и удари со дронови на руска територија.