Зеленски: Украина нема да се повлече од Донецк, САД бараат компромисно решение

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски: Украина нема да се повлече од Донецк, САД бараат компромисно решение

18 декември 2025

• од Станча Јаќимовски

Украина не е подготвена да се повлече од регионот Донецк, додека Русија инсистира на целосно преземање на Донбас, изјави денеска украинскиот претседател Володимир Зеленски. Тој нагласи дека позициите на двете страни се јасно спротивставени, а Соединетите Американски Држави во моментов се обидуваат да најдат компромисно решение.

„Сите ја знаеме позицијата на Русија. Тие сакаат да го заземат целиот Донбас, а сега бараат да се повлечеме од Донбас. Ова е нивниот отворен став. Нашиот став е исто така отворен – не сме подготвени за такви чекори, додека САД бараат компромис“, изјави Зеленски одговарајќи на новинарски прашања.

Говорејќи за тековните дипломатски напори, украинскиот претседател информираше дека украинските и американските преговарачки тимови ќе одржат серија состаноци во Соединетите Американски Држави утре и в сабота. Разговорите ќе се фокусираат на мировниот план од 20 точки, безбедносните гаранции за Украина, како и на можен договор за обнова на земјата по војната.

Зеленски додаде дека украинската делегација веќе е на пат кон САД и дека американската страна го очекува нивното пристигнување. Не е исклучена ниту можноста на состаноците да присуствуваат и европски претставници, што би укажувало на поширок меѓународен ангажман во процесот.

Претседателот на Украина потсети дека следната рунда украинско-американски преговори е планирана по консултациите меѓу Вашингтон и Москва, при што некои од средбите би можеле да се одржат уште за време на викендот.