Зголемување на кредитниот рејтинг на Бугарија поради нејзиното пристапување во еврозоната

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зголемување на кредитниот рејтинг на Бугарија поради нејзиното пристапување во еврозоната

11 јули 2025

• од Станча Јаќимовски

Двете големи меѓународни рејтинг-агенции S&P Global Ratings и Fitch Ratings го зголемија долгорочниот суверен кредитен рејтинг на Бугарија од „BBB“ на „BBB+“, како резултат на официјалната потврда дека земјата ќе стане членка на еврозоната од 1 јануари 2026 година. Овој рејтинг е највисок во рамки на средната инвестициона категорија.

На 8 јули, министрите за финансии на Европската унија дадоа зелено светло за приклучувањето на Бугарија во еврозоната. Со тоа, Бугарија ќе биде 21-та земја членка на ЕУ што ќе го прифати еврото како официјална валута.

Во своето соопштение, S&P посочува дека Бугарија ќе има корист од „сигурната монетарна политика на Европската централна банка (ЕЦБ) и од пристапот до капиталните пазари на еврозоната“. Агенцијата сепак предупредува дека политиките на ЕЦБ ќе бидат ориентирани кон поголемите економии како Германија и Франција, што може да ги засени интересите на помали земји како Бугарија – која и понатаму останува најсиромашната членка на ЕУ.

S&P ја истакнува стабилноста на секторите за услуги, особено туризмот и информациските технологии, како клучни во ублажувањето на негативните ефекти од трговскиот дефицит – Бугарија и понатаму увезува повеќе одошто извезува.

Дополнително, во јануари 2025 година, Бугарија стана полноправна членка на Шенген-зоната, со што се олесни патувањето без пасош во голем дел од Европа. S&P очекува дека членството во Шенген и еврозоната ќе го поттикнат растот на меѓународната трговија и туризмот.

Сепак, агенцијата предупредува дека евентуално зголемување на буџетскиот дефицит или премногу либерална фискална политика по влезот во еврозоната, како и политичка нестабилност, може да доведат до ревидирање на рејтингот во негативна насока. Проблеми како демографската криза, стареењето и намалувањето на населението, како и недоволната инфраструктура, остануваат значајни предизвици.

Паралелно, Fitch Ratings го потврди зголемувањето на долгорочниот кредитен рејтинг на Бугарија во странска валута на „BBB+“ со стабилна перспектива. Агенцијата исто така го гледа влезот во еврозоната како позитивен чекор – тој ќе овозможи бугарскиот долг да добие статус на резервна валута, ќе ја зајакне монетарната рамка, ќе ги намали трошоците за трансакции, ќе го елиминира девизниот ризик и ќе отвори нови можности за странско финансирање. Банките ќе имаат пристап и до ликвидносните механизми на ЕЦБ.

Според Fitch, се очекува реален раст на БДП од 2,8% во 2025 година, што е на исто ниво како и во 2024 година. Во 2026 година, прогнозата е за раст од 2,5%, со потенцијал за дополнително зголемување благодарение на членството во еврозоната.