Зимата тропа на врата: Снег и силен студ ја очекуваат Македонија за празниците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ВРЕМЕ

Зимата тропа на врата: Снег и силен студ ја очекуваат Македонија за празниците

26 декември 2025

• од Станча Јаќимовски

Празничниот период кон крајот на годината и почетокот на јануари ќе помине во знакот на променливо, но сè постудено време. Според метеоролошките прогнози, Македонија постепено ќе влезе во вистинска зимска атмосфера, а најизразениот студ и снежни врнежи се очекуваат околу православниот Божиќ.

Крај на декември: Сонце, но со студени утра

Денешниот ден (25 декември) носи променливо облачно време со повремени врнежи од дожд и максимални температури до 8 степени. Веќе од петок и за време на викендот (27–28 декември) се очекува стабилизирање на времето, со помалку облаци и умерено сончеви периоди. Дневните температури ќе се искачуваат до околу 7 степени, но ноќите ќе бидат значително постудени, со температури под нулата.

Последниот ден од годината ќе биде сончев, но вистински зимски. На 31 декември максималната дневна температура ќе достигне околу 1 степен, додека во новогодишната ноќ температурите ќе се спуштат и до -4 степени.

Почеток на јануари: Краток влажен период пред студениот бран

Во првите денови од новата година, поточно на 2 и 3 јануари, се најавува влажен бран со повремени врнежи од дожд и благ пораст на дневните температури до околу 6 степени. Овој период ќе биде само вовед во значително постуденото време кое ќе настапи по 4 јануари.

Снег и силен мраз за Бадник и Божиќ

Најсилниот зимски удар се очекува токму за време на големите христијански празници. На Бадник (6 јануари) се прогнозираат снежни врнежи и температури под нулата, со дневни вредности околу -2 степени и утрински температури до -5. Божиќ (7 јануари) ќе донесе облачно и исклучително студено време, со температури кои ќе се движат од -8 до -2 степени, проследени со силен мраз во поголемиот дел од земјата.

Апел за внимателност

Поради најавениот студен бран, снежните врнежи и можноста за голомраз, надлежните препорачуваат зголемена внимателност при движење, особено во утринските часови. Граѓаните се советуваат навремено да ги подготват своите домови и возила за ниските температури и зимските услови.