Адeми остро реагира на драфт-законот на Каракамишева: Чекор кон дискриминација и враќање пред 2001 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Адeми остро реагира на драфт-законот на Каракамишева: Чекор кон дискриминација и враќање пред 2001 година

08 април 2026

• од Станча Јаќимовски

Генералниот секретар на Демократската унија за интеграција, Арбер Адeми, упати остри критики кон предлог-законот изработен од Тања Каракамишева, кој во изминатиот период се појави во јавноста. Според него, овој драфт не обезбедува правична застапеност, туку отвора простор за дискриминација и сериозно назадување во однос на достигнатите стандарди.

Адeми нагласи дека предложеното законско решение не предвидува етнички квоти, што, според него, претставува ризик од враќање на состојбите пред 2001 година. Во тој период, како што посочи, Албанците биле минимално застапени во државната администрација, што било една од причините за незадоволството и политичките тензии во земјата.

Дополнително, тој изрази загриженост дека законот не ги обврзува институциите да ја утврдуваат етничката припадност на кандидатите при вработување или унапредување. Ова, според Адeми, го прави процесот нетранспарентен и остава простор за нееднаквост во практиката.

Како уште еден сериозен недостаток, Адeми ја посочи и отсуството на санкциски одредби во предлог-законот. Тој смета дека без јасни механизми за казнување, законот не може ефективно да ја гарантира еднаквоста и правичноста во институциите.

Во својата реакција, Адeми информираше и дека еден албански професор, кој бил дел од работната група за изработка на законот, се повлекол од процесот. Причината, според него, е несогласување со начинот на кој се водел процесот, кој го оцени како диригиран и насочен кон уназадување на достигнатите стандарди.

На крајот, Адeми ја заокружи својата изјава со остар тон, оценувајќи дека ваквиот предлог-закон не само што не придонесува за напредок, туку претставува сериозен чекор назад во градењето на еднакво и инклузивно општество.