Ахмети предупредува: Одмаздата кон Албанците може да предизвика невиден бунт

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ахмети предупредува: Одмаздата кон Албанците може да предизвика невиден бунт

10 мај 2025

• од Вардарски

Лидерот на Демократската унија за интеграција (ДУИ), Али Ахмети, испрати силно предупредување од Струга до македонските политички кругови, обвинувајќи ги за системска дискриминација и исклучување на Албанците од државните институции. Според Ахмети, ваквите политики можат да имаат сериозни последици и да предизвикаат „невиден бунт“ меѓу албанската заедница во земјата.

„Оваа одмазда против Албанците не ѝ помага на државата и на нејзините европски перспективи. Таа поттикнува бунт кај Албанците, а тие не го разбираат тоа. Ова мора да се разбере правилно!“, изјави Ахмети, посочувајќи на примери како исклучување на Албанци од институциите, деградирање на употребата на албанскиот јазик и селективна правда.

Ахмети ја нагласи важноста на двојазичноста во мултиетничкото општество и истакна дека отстранувањето на албанскиот јазик од институционални табли и патокази, како и политичките напади врз албанските симболи, се спротивни на европските вредности. „Како може Швајцарија да функционира со четири службени јазици, а Македонија не може со два?“, запраша тој.

Во своето обраќање, лидерот на ДУИ предупреди дека обидите за поделби и политичка маргинализација на Албанците ќе доведат до дестабилизација на државата. „Ние сакаме функционална демократија, но ако не престане дискриминацијата – чашата ќе се прелее“, порача Ахмети, апелирајќи за враќање на институционалниот баланс и почитување на правата на Албанците.