Алиу: Во сите здравствени институции има недостиг од персонал

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Алиу: Во сите здравствени институции има недостиг од персонал

06 јануари 2026

• од Станча Јаќимовски

Во сите здравствени институции во државата, вклучително и клиниките и болниците, постои недостиг од човечки ресурси, изјави денеска министерот за здравство Азир Алиу. Како пример ја посочи и Тетовската клиничка болница, нагласувајќи дека проблемот со недоволен број здравствени работници е системски и присутен на национално ниво.

Министерот истакна дека Министерството за здравство ќе работи интензивно на креирање нови кадровски капацитети, но и на оптимизација на постојниот персонал. Како една од клучните мерки ја најави хоризонталната мобилност на здравствените работници, со цел поефикасно распределување на кадарот и подобра достапност на здравствените услуги за граѓаните.

„Тоа што веќе го најавивме на прес-конференција ќе продолжиме да го реализираме – создавање нови капацитети и подобра организација на постојните, за здравствениот систем да биде поблиску до граѓаните“, изјави Алиу, одговарајќи на новинарско прашање по прес-конференцијата по повод кампањата за подигнување на свесноста за опасностите од употреба на пиротехнички средства.

Тој додаде дека крајната цел е да се намали потребата граѓаните да патуваат во Скопје за основни и специјализирани здравствени услуги и тие да бидат подостапни во сите региони на државата. Министерството, како што беше нагласено, ќе продолжи со анализи и конкретни мерки за унапредување на здравствениот систем и подобрување на условите за работа на здравствените работници.