Амбасадата на Бугарија во Скопје во жалост по смртта на легендарниот Димитар Пенев

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Амбасадата на Бугарија во Скопје во жалост по смртта на легендарниот Димитар Пенев

05 јануари 2026

• од Станча Јаќимовски

Амбасадата на Република Бугарија во Скопје изрази длабока тага по повод смртта на еден од најголемите имиња во бугарскиот и европскиот фудбал – Димитар Пенев. Во објава на социјалните мрежи, дипломатската мисија истакна дека тагува заедно со цела Бугарија по заминувањето на легендарниот фудбалер и тренер, кој остави неизбришлива трага во спортската историја.

Во соопштението се нагласува благодарноста пред сè за обединувањето на бугарскиот народ во 1994 година, момент кој и денес се памети како симбол на национална гордост и заедништво, а кој, како што наведуваат од амбасадата, денес многу недостига.

Амбасадата изрази жалење што поради службени обврски нејзиниот состав не е во можност да им се придружи на илјадниците граѓани кои на Националниот стадион „Васил Левски“ ќе се простат од Стратегот, како што со почит беше нарекуван Пенев. „Легендите не умираат! Ви благодариме за сè“, стои во објавата.

Дополнително, во коментар под објавата, амбасадорот на Бугарија во Скопје, Желјазко Радуков, ја изрази својата лична почит и благодарност кон ликот и делото на Димитар Пенев. Тој нагласи дека за сите кои го познавале, Пенев ќе остане запаметен не само како извонреден фудбалер и тренер, туку и како човек со големо срце, исполнет со добрина и хумор.

„Пример кој сè повеќе ѝ недостига на денешната генерација. Благодарам и светол пат“, напиша амбасадорот Радуков, испраќајќи последен поздрав до човекот кој засекогаш ќе остане дел од колективната меморија на бугарскиот народ и спорт.