Балкоски: Македонската музика е потисната од интересите за српска естрада

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Балкоски: Македонската музика е потисната од интересите за српска естрада

29 август 2025

• од Гоце Кически

Од Охрид започна музичкиот караван „Нема друга Македонија“, со настап на истакнати домашни пејачи и пејачки, како продолжение на проектот „Македонијо во срце те носиме“. Настанот предизвика внимание кај љубителите на музиката, но и отвори нова дебата за односот на институциите кон домашното музичко творештво.

Генералниот секретар на ВМРО–Народна партија, Љупчо Балкоски, посочи дека музичарите и продуцентите вложиле голем труд и ентузијазам во организацијата на овој караван, кој ќе патува низ целата држава. Според него, тоа заслужува поддршка и признание, но политичките елити го користат просторот за лични интереси, наместо за афирмација на домашната култура.

„Власта намерно дозволи пролетно-летниот период да помине под доминација на српски изведувачи, за што беа потрошени огромни износи од јавни пари. Тие средства можеа да бидат инвестирани во домашни музичари и нови културни проекти. Наместо тоа, се форсира туѓа естрада, а нашата песна останува во сенка,“ истакна Балкоски.

Тој потсети дека и популарниот пејач Спасен Силјаноски јавно реагираше на оваа неправда, добивајќи широка поддршка од јавноста.

Посебно беше нагласена улогата на легендарниот пејач Војо Стојаноски, кој незаборавно ја испеа песната „Нема друга Македонија“. Балкоски апелираше организаторите на новите аранжмани да вклучат и негови наследници – синот и внуците, кои се активни на музичката сцена – како чин на благодарност за придонесот кон зачувувањето на традицијата.

„Поддршката на домашната песна не е само прашање на емоција, туку и на културна политика. Со тоа се гради иднината на младите музичари и се создава културен производ што може да ја претстави земјата во Европа и пошироко,“ порача Балкоски.

Музичкиот караван продолжува во наредните недели низ повеќе градови, со цел да ја врати во преден план македонската песна и нејзините изведувачи.