Бигорскиот Манастир апелира на единство во Црквата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бигорскиот Манастир апелира на единство во Црквата

01 јуни 2025

• од Станча Јаќимовски

Братството на Свештениот Бигорски Манастир соопшти дека единството на Македонската православна црква – Охридска Архиепископија (МПЦ-ОА) е „почетокот и крајот на сè“ и ги повика верниците на духовна зрелост и смирение во актуелните состојби.

Повод за изјавата се неодамнешните реакции и јавни собири во врска со назначувањето на митрополит на Дебарско-кичевската епархија. Манастирот со разбирање ги прифаќа различните мислења и дебати во јавноста, нагласувајќи дека тие се доказ за живата вера и грижата на верниците кон Црквата.

Сепак, од Бигорската Обител ги повикуваат сите страни да ги имаат предвид духовниот поредок и каноните, како и да ја користат постојната црковна структура – Светиот Синод и дијалогот – за решавање на прашањата.

„Најважно е единството на нашата Света МПЦ-ОА. Тоа е темелот врз кој почива нашето заедништво, нашиот мир и секоја наша духовна надеж“, велат од Бигорскиот Манастир.

Во истата изјава се нагласува дека монасите никогаш не се стремеле кон „човечки височини и признанија“, туку кон „височините на духот“, додавајќи дека нивното достоинство доаѓа од молитвата и трудот посветени на духовната обнова на верниците.

Во пресрет на очекуваната одлука на Светиот Синод, манастирот апелира на засилена молитва, смиреност и достоинство, истакнувајќи ја важноста на мирот и единството во Црквата.

„Нека нашето однесување биде смирено и достоинствено, а нашата вера уште понепоколеблива“, заклучуваат од Бигорскиот Манастир.