Битиќи: Ребалансот на Буџетот е Неразвоен и Служи за Предизборен Поткуп

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Битиќи: Ребалансот на Буџетот е Неразвоен и Служи за Предизборен Поткуп

23 јули 2025

• од Станча Јаќимовски

Собраниската расправа за ребалансот на Буџетот за 2025 година доби силни критики од пратеникот на СДСМ, Фатмир Битиќи, кој оцени дека предложените измени не се ниту развојни, ниту социјално одговорни. Тој порача дека ребалансот претставува „предизборен поткуп“, насочен исклучиво кон изборите во октомври, без слух за реалните потреби на граѓаните.

„Овој ребаланс е создавање на ново множество на пропуштени шанси, на скриени долгови, на селективна поддршка и на краткорочни политички пресметки,“ изјави Битиќи.

Аларм за буџетскиот дефицит

Битиќи укажа дека буџетскиот дефицит останува висок – 41,3 милијарди денари, што е 4% од БДП, над дозволената законска граница од 3% или максимум 3,5% во исклучителни случаи.

„Немаме ниту катастрофа, ниту глобален шок. Она што го имаме е криза во планирањето, отчетноста и вредносниот систем,“ нагласи тој.

Според него, дефицитот се зголемил повеќе од двојно за помалку од три месеци – од 13,4 на над 30 милијарди денари – што укажува на изгубена фискална контрола и непродуктивно зголемена јавна потрошувачка.

Задолжување на штета на идните генерации

Во расправата, Битиќи го критикуваше зголемувањето на домашниот долг за 3,15 милијарди денари и на надворешниот за 1,38 милијарди, како и планираното ново задолжување од 500 милиони евра до крајот на годината.

„Секоја нова обврзница значи помалку пари за училишта, здравство и инфраструктура,“ рече тој, посочувајќи и на 700 милиони евра неисплатени обврски – скриени долгови што го притискаат буџетот.

Потрошувачка без приоритет и визија

Битиќи ја критикуваше власта и за непромисленото трошење: дуплирање на ставката за набавка на автомобили, вложување 900 милиони денари за нови возила, и потрошени 1,8 милиони евра за 134 метри квадратни штанд на ЕКСПО 2027.

„Тоа се 5.550 евра по метар квадратен – со тие пари можевме да набавиме 12.000 сензори за дијабетичари или да помогнеме 460 пациенти со дијабетес тип 1,“ посочи тој.

Истовремено, се кратат средствата за животна средина за 868 милиони денари, како и економската поддршка за малите и средни претпријатија.

Пензионери и граѓани на удар

Битиќи предупреди и дека иако се најавува зголемување на пензиите, 92% од пензионерите ќе добијат помалку од она што би го добиле со актуелниот модел. Само 22.000 пензионери ќе добијат симболични 100 денари повеќе.

Дополнително, иако проекцијата за инфлација е поставена на 2,8%, минималната потрошувачка кошница се зголемила за 3.443 денари за само четири месеци, а за 7.000 денари во текот на една година.

„Животот поскапува, а платите и буџетските мерки не го следат тој тренд,“ предупреди пратеникот од СДСМ, заклучувајќи дека буџетот нема визија, развојна насока и не одговара на потребите на граѓаните.

Битиќи го заврши своето обраќање со апел до власта да покаже одговорност и вистинска грижа за јавните финансии и граѓаните, наместо да го користи буџетот како алатка за политички маркетинг.