Бранимир Јовановиќ: Македонија е четврта економија во Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бранимир Јовановиќ: Македонија е четврта економија во Европа – но од дното!

05 јуни 2025

• од Станча Јаќимовски

Македонија навистина е четврта во Европа според економски развој – но од дното на листата, вели професорот по економија Бранимир Јовановиќ за ЦИВИЛ Медиа, реагирајќи на изјавата на премиерот Христијан Мицкоски дека Северна Македонија е четврта економија во ЕУ според економски раст.

„Само Молдавија, Косово и Босна се помалку развиени од нас. И Албанија беше, ама лани нѐ престигна“, изјави Јовановиќ, критикувајќи ја власта за извртување на вистината и создавање на лажна слика за економскиот напредок на земјата.

Професорот посочи дека македонскиот БДП по жител, според куповната моќ, изнесува само 42% од просекот на Европската Унија. Во споредба, Албанија е на 43%, Србија на 51%, а Црна Гора на 53%. „Јас тука навистина не гледам ништо за радување“, рече тој.

Јовановиќ направи паралела со поранешниот премиер Никола Груевски, велејќи дека и тој во минатото ширел слични економски „бајки“, кои завршиле со економски колапс. „Жално е што оваа влада почнува да наликува на таа“, истакна тој.

Во врска со тврдењата за економски раст од 3% во првиот квартал на 2025 година, Јовановиќ додаде дека и тие бројки не се реална основа за гордост. „Многу земји сѐ уште немаат објавено податоци, особено од регионот, кои традиционално имаат висок раст – Албанија, Косово, Црна Гора, Турција, Романија...“, објасни тој. Дури и од земјите кои објавиле податоци, четири имаат повисок раст од Македонија – Ирска, Данска, Полска и Литванија, а Кипар и Малта имаат ист раст од 3%.

Јовановиќ го повика премиерот да престане со „пласирање полувистини“ и да се фокусира на реална работа. „Од унгарската милијарда ништо не видовме, капиталните инвестиции се на историски минимум, автопатот кон Охрид стои, а за железницата со британски заем не знаеме ни дали има проект“, нагласи професорот.

Од Владата, пак, порачуваат дека економските промени се видливи и оти земјата е во економска ренесанса. Според нив, растот од 3,4% во првиот квартал ја рангира Македонија на четвртото место во Европа, според податоците на Евростат.

Но, според Јовановиќ, реалноста на теренот е далеку од сликата што ја прикажува власта. „Нека излезе премиерот на улица и нека им каже на луѓето дека сме четврта економија во Европа. Ќе видиме како ќе реагираат“, заврши тој.