Бугарија ѝ нуди мазут на Македонија за да ја спаси од кризната состојба

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарија ѝ нуди мазут на Македонија за да ја спаси од кризната состојба

24 декември 2025

• од Станча Јаќимовски

Бугарија изрази подготвеност да ѝ помогне на Македонија со итни испораки на мазут, со цел ублажување на енергетската криза предизвикана од нарушувања во снабдувањето со гориво. Одлуката следи по наредба на бугарскиот премиер Росен Жељасков, по која министерот за енергетика Жечо Станков извршил инспекција на состојбата со резервите на мазут во земјата.

Како што соопшти владината прес-служба во Софија, инспекцијата покажала дека Бугарија располага со доволни количини мазут за сопствените потреби, што овозможува дел од резервите да бидат понудени како помош на соседната земја.

Врз основа на овие наоди, бугарската влада предложила итни испораки на мазут во Македонија. Предлогот бил пренесен во телефонски разговор меѓу министерот за надворешни работи на Бугарија, Георг Георгиев, и неговиот македонски колега Тимчо Муцунски. Во разговорот, бугарската страна изразила подготвеност да помогне во обезбедувањето на потребните количини, во рамките на техничките и логистичките можности.

Според бугарската агенција БГНЕС, во текот на разговорот било истакнато дека понудената помош претставува „израз на добрососедство и солидарност“ и дека нејзината цел е да се гарантира енергетска безбедност и стабилност во регионот.

Понудата од Софија доаѓа откако македонската влада вчера прогласи вонредна состојба поради доцнења во снабдувањето со гориво. Кризата е резултат на блокадите на граничните премини со Грција од страна на грчките земјоделци, што сериозно го отежнува увозот на гориво и суровини во земјата.

И покрај информациите објавени од бугарска страна, од македонските институции досега нема официјална потврда или соопштение во врска со понудата за помош од Софија.