Бугарска фондација ја поддржува кандидатурата на Драган Котуровиќ за градоначалник на Струмица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарска фондација ја поддржува кандидатурата на Драган Котуровиќ за градоначалник на Струмица

22 септември 2025

• од Станча Јаќимовски

Бугарската фондација „Македонија“, – објави дека ја дава својата поддршка за независниот кандидат за градоначалник на Струмица, Драган Котуровиќ.

На својот официјален Фејсбук профил фондацијата сподели интервју со Котуровиќ, во кое тој ги претставува своите мотиви и визија за развој на градот и околните села.

Поддршка од фондацијата

„Ја искажуваме нашата поддршка за бугарскиот државјанин и Бугарин од Струмица, Драган Котуровиќ, за градоначалник на Струмица на претстојните локални избори на 19 октомври,“ се наведува во објавата на фондацијата.

Фондацијата „Македонија“ претходно била забележана по испраќање книги за бугарскиот цар Борис III во Македонија, потег кој предизвика полемики во јавноста.

Визија на кандидатот

Во интервјуто, Котуровиќ истакнува дека неговата главна цел е борба против криминалот и корупцијата во градот.

„Многу години гледам како се краде, се истите и пак истите. Градот е запоставен, народот е оставен сам на себе. Сакам да станам градоначалник за да сопрам криминал, да има транспарентност и да се помогне на луѓето,“ вели тој.

Кандидатот најавува и сериозна ревизија на изминатите 24 години: „Да видиме кој крадел, што направил, каде отишле парите. Потоа ќе почнеме со вистинска, домаќинска работа.“

Фокус на селата и граѓаните

Котуровиќ додава дека негов приоритет ќе биде и подобрување на условите во селата околу Струмица:
„Дали некогаш некој отишол да види како живеат селаните, што им недостига? Време е да се работи со луѓето, не да се седи во канцеларии и да се чекаат избори.“

Со слоган „Европска Струмица – најјако за градот и селата“, Котуровиќ најавува дека ќе се бори да ги отстрани „арамиите и бандитите“ од локалното собрание.

Завршна порака

„Доста е веќе. Со Господ напред, народот ќе одлучи дали сака чесен татко на градот или арамија,“ изјави независниот кандидат во интервјуто објавено од фондацијата.