Бугарската лекарка проф. Аргирова: Се боревме со сета сила за животите на децата од Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарската лекарка проф. Аргирова: Се боревме со сета сила за животите на децата од Кочани – и успеавме

09 април 2025

• од Вардарски

Исклучителна професионалност и хуманост покажаа бугарските лекари од Клиниката за изгореници и пластична хирургија при бугарската медицинска установа, кои успешно ги лекуваа децата повредени во трагичниот пожар што неодамна ја потресе Кочани.

Началничката на Клиниката, проф. Маја Аргирова, со гордост изјави:
„Се справивме одговорно, организирано и перфектно.“

Таа нагласи дека и покрај тежината на ситуацијата, тимот успеал навремено и стручно да реагира:
„Ситуацијата беше тешка, но благодарение на прекрасната организација и на уменијата на нашата екипа, успеавме да реагираме адекватно. Пациентите вчера беа отпуштени и верувам дека брзо ќе се адаптираат во нивната нормална социјална средина.“

Оваа интервенција е уште една потврда за високото ниво на стручност на бугарските медицински тимови. Проф. Аргирова истакна дека ваквите резултати не се случајни, туку плод на долгогодишна работа и искуство:
„Ова не е прва ваква катастрофа со која се соочуваме. Имаме долгогодишно искуство со вакви случаи и можам да кажам дека знаеме како да се справиме – одговорно, организирано и перфектно.“

Таа ја искористи можноста да ја нагласи важноста на тимската работа и институционалната поддршка:
„Ова е возможно само затоа што работиме во институција каде што сите делуваат заеднички. Клиниката не може самостојно ништо да постигне без помошта од сите колеги и администрацијата на институтот.“

Бугарските лекари, предводени од проф. Аргирова, заслужија голема благодарност и признание за нивната посветеност, грижа и хуманост што им ја пружија на децата и нивните семејства во најтешките моменти.