Бугарско здружение ,,Југ" - Еден човечки живот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарско здружение ,,Југ" - Еден човечки живот - 8 месеци вреди?

05 март 2025

• од Вардарски

Здружението „Југ“ со длабоко разочарување и загриженост ја прифаќа пресудата на судот во Охрид, со која лицата обвинети за бруталниот напад врз нашиот сограѓанин и поранешен под-секретар на здружението „Цар Борис III“, Христијан Пендиков, добија само 8 месеци казна. Оваа пресуда не е само несоодветна – таа е навреда за правдата и удар врз темелните човекови права.

Од првиот момент на нападот, ние остро го осудивме ова варварско дело и побаравме виновниците да бидат соодветно санкционирани. Реагиравме веднаш до Претседателот на Република Бугарија, Румен Радев, барајќи му на Пендиков да му биде доделено бугарско државјанство, а истовремено побаравме од македонските институции да покажат дека правото и правдата важат за сите подеднакво. Наместо тоа, денес сме сведоци на една срамна одлука која остава простор за беззаконие и неказнивост.

Не можеме да разбереме и да прифатиме дека напад кој резултираше со тешки телесни повреди и кој јасно беше мотивиран од омраза може да заврши со казна што повеќе наликува на симболичен укор отколку на вистинска правда. Ова не само што е неправда кон жртвата, туку и создава опасен преседан – дека насилството врз луѓе со бугарска самосвест е толерирано.

Затоа, како здружение, уште еднаш упатуваме итен апел за преиспитување на оваа неправедна судска одлука! Бараме соодветно санкционирање на сторителите со повисоки казни, согласно тежината на делото. Без правда, нема мир и доверба во институциите. Животот на Христијан Пендиков е подеднакво вреден како животот на сите граѓани во Република Северна Македонија.

Правдата мора да победи! Неказнивоста не смее да стане норма!