Денес се празнува Свети Атанасиј Велики, архиепископ Александриски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денес се празнува Свети Атанасиј Велики, архиепископ Александриски

15 мај 2025

• од Вардарски

Денес, на 15 мај, православната црква го празнува споменот на Свети Атанасиј Велики, еден од најголемите и највлијателни отци на Црквата, архиепископот Александриски. Роден е во 296 година во Александрија, Египет, и уште од своето детство покажа силна наклонетост кон духовниот живот и верата во Христа.

Како ѓакон кај архиепископот Александар, Свети Атанасиј учествуваше на Првиот Вселенски Собор во Никеја во 325 година. На овој значаен собор се истакна со својата длабока ученост, благочестивост и ревност за вистинската вера. Особено се прослави со својата бескомпромисна борба против ересот на Ариј, кој ја негираше боженственоста на Исус Христос. Токму Свети Атанасиј беше меѓу главните автори на Символот на Верата – Никео-Цариградскиот Символ – кој до ден денес се изговара на секоја литургија.

По смртта на архиепископот Александар, Атанасиј беше избран за негов наследник на Александрискиот трон. Иако формално беше архиепископ повеќе од четири децении, поради непрекинатите гонења од царевите и еретиците, голем дел од тој период го помина во прогонство и скриени живеалишта – во пустината, по гробници, па дури и во бунари. На двапати мораше да пребегне и во Рим.

Гонет беше од римските императори Констанциј, Јулијан Отпадник и Валент, а исто така и од влијателни епископи како Евсевиј Никомидиски, како и од самите аријанци. Мал е бројот на светители кои претрпеле толкави клевети, страдања и неволји како што тоа го поднесе Свети Атанасиј. Сепак, неговата непоколеблива вера, духовна сила и љубовта кон неговото стадо го направија пример за пастирот што "животот свој го полага за овците".

За духовна поткрепа често одеше кај Свети Антониј Велики, кого го сметаше за свој духовен отец. Од нивното пријателство произлезе едно од најпознатите житија на подвижниците – „Житието на Свети Антониј“, напишано токму од раката на Атанасиј.

Премина во вечниот живот во 373 година, откако доби можност за краток период да ја води својата паства во мир. Иако изложен на бројни страдања, неговата победа над лажните учења и утврдувањето на вистинската вера го вброија меѓу најголемите столбови на Православието.

Свети Атанасиј Велики – учител, исповедник и храбар бранител на вистината – останува светол пример за сите генерации верници. Неговото дело и денес се слави со длабока почит.