Денес се празнува: Светиот апостол Симон Зилот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денес се празнува: Светиот апостол Симон Зилот

23 мај 2025

• од Вардарски

Свети Симон Зилот е еден од дванаесетте големи апостоли на Господ Исус Христос. Роден во Кана Галилејска, тој влезе во историјата на христијанството како пример за длабока вера, ревност и жртва во името на Евангелието.

Светото Писмо ни сведочи дека Исус Христос присуствувал на свадбата на Симон во Кана, заедно со својата мајка и учениците. Таму се случило и Неговото прво јавно чудо – претворањето на водата во вино. Сведок на тоа божествено дело, Симон бил длабоко потресен и просветлен. Во тој миг, тој ја напуштил својата куќа, родителите и дури и невестата, и го следел Христа, посветувајќи му го целиот свој живот.

Прекарот „Зилот“ (што значи „ревнител“) му е даден токму поради неговата силна и огнена посветеност на Христовата мисија. По добивањето на Светиот Дух во денот на Педесетницата, Симон се оддалечил од татковината и заминал да го проповеда Евангелието во Мавританија, во северозападна Африка.

Таму, низ напори, жртви и трпение, успеал мнозина да обрати кон верата во Воскреснатиот Господ. Но неговата мисија не била лесна – како и многу други апостоли, и тој го завршил својот живот маченички. Бил распнат на крст, како и неговиот Учител, за кого ревносно сведочел до последниот здив.

Свети Апостол Симон Зилот ни остави пример на неуморна ревност, пожртвуваност и вера. Денес Црквата го слави како еден од стубовите на апостолската проповед и мисија, кој го положил својот живот за вистината и љубовта Христова.