Денес се празнува: Светиот маченик Јакинт

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денес се празнува: Светиот маченик Јакинт

16 јули 2025

• од Станча Јаќимовски

Православната црква го чествува Светиот маченик Јакинт — млад, благочестив дворјанин на римскиот цар Трајан и еден од светлите примери на христијанска храброст, вера и посветеност на Бога.

Свети Јакинт живеел во времето на прогоните на христијаните, во почетокот на 2 век. Иако бил близок до самиот цар, во душата бил длабоко посветен на Христа. Како таен христијанин, тој мудро ја чувал својата вера, сѐ додека не бил ставен на искушение што ќе го покаже неговото вистинско лице.

При еден од големите пагански празници, кога царот Трајан заедно со својот двор им принесувал жртви на идолите, Јакинт одбил да учествува во таа паганска церемонија. Неговото отсуство било забележано, и веднаш бил изведен пред царот на суд. Царот се обидел со убеди Јакинт да се одрече од својата вера и да се приклучи кон жртвоприносот, но младиот христијанин решително му одговорил:

„Јас сум христијанин, Христа Го почитувам, Нему Му се поклонувам и Нему Му се принесувам како жртва жива самиот себеси.“

Неговата храброст и непоколебливост го разгневиле царот. Свети Јакинт бил сурово мачен: тепан, исплукан и стружен. Потоа бил фрлен во затвор, каде му било дозволено да јаде само храна што била претходно принесена на идолите — нешто што Јакинт цврсто одбил. Така, после осум дена пост на вода и молитва, тој го предал својот дух на Бога, претворајќи го затворот во место на светлина и мирис на светост.

Сведоци на неговото упокојување биле и самите стражари, кои виделе како двајца светли ангели слегуваат: едниот го покривал телото на маченикот со светла облека, а другиот му ставал венец на главата — симбол на неговата победа и слава на небото.

Светиот маченик Јакинт пострадал чесно во 108 година, оставајќи зад себе сведоштво за силата на верата и љубовта кон Христа, која дури ни страдањето и смртта не можат да ја надминат.

Неговата жртва не згаснува, туку постојано нѐ потсетува: „Блажени се гонетите заради правдата, зашто нивно е Царството Небесно“ (Матеј 5:10).