Денеска се празнува Преподобен Исаак Сирин II

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Преподобен Исаак Сирин II

25 април 2025

• од Вардарски

На денешен ден, Црквата со љубов и благодарност го празнува споменот на Преподобен Исаак Сирин II, пустиникот и чудотворецот, кој живеел во времето по првиот Исаак Сирин, чиј спомен се празнува на 28 јануари. Неговиот живот и подвиг се опишани од Св. Григориј Двоеслов, кој сведочи за духовната сила и чистотата на овој Божји угодник.

Чудесна појава во Сполетан

Во времето на готската власт во Италија, Исаак пристигнал како непознат туѓинец во градот Сполетан. Таму, со смирение и копнеж по молитвено единство со Бога, го замолил црковниот служител – еклисијархот – да го остави да преноќи во црквата. Цела ноќ стоел во молитва, неподвижен и сосредоточен. Исто и следниот ден и следната ноќ. Но еклисијархот, не разбирајќи го неговиот подвиг, го осудил за лицемерие и го удрил. Во истиот момент бил зафатен од демон и полудел.

Свети Исаак, без злоба, се наднесе над него во молитва и демонската сила избега, а еклисијархот оздраве. Гласот за чудото се рашири и целиот град почна да го бара овој мистичен подвижник.

Повлекување во пустина и монашки живот

И покрај понудените дарови, пари и углед, Исаак ништо не прифати. Наместо тоа, се повлече во блиската шума каде што си изградил келија. Тоа скромно место подоцна станало голем манастир. Живеел во сиромаштија, но во богатство на Божјата благодат – познат по проѕорливост, исцелувања и чудотворства.

Дарот на проѕорливост

Светителот ги изненадил и своите монаси со пророчка проникливост. Една вечер, им заповедал да ги остават мотиките во лозјето. Следниот ден, ги зеде и однесе со себе заедно со ручек. Монасите се зачудиле, зашто немало работници. Но кога стигнале, откриле дека бројот на луѓе што копале точно се совпаѓал со бројот на мотики. Тоа биле крадци, кои сакале да ги земат алатките, но Божјата сила ги спречила и ги натерала да копаат цела ноќ.

Во друга прилика, двајца скитници, речиси голи, побарале облека. Исаак испратил монах до шупливо дрво покрај патот, каде што се најдоа облеки што токму тие претходно ги скриле. Засрамени од својата измама, се покајале.

Еден монах, пак, скрил една кошница што била пратена во манастирот. Светителот му рече да внимава – во кошницата што ја оставил се вовлекла змија. Така го спаси од отровна несреќа.

Тропар на Преподобниот

Ноќта во ден ја претвори при својот Земен живот, Исааке свет подвижниче,
кога на молитва пребивајќи, духот тајните на срцата човечки за нивно спасение ти ги откриваше.
И сега за сите моли се, ти, од Бога облагодатен,
да се исправат патиштата наши по твоите свети молитви.

Во истиот ден, Црквата го празнува и Свети Василиј Исповедник, епископот на Парија, кој во времето на иконоборството страдаше за верата, како и Преподобен Акакиј од Атон, прославен со небесни виденија и духовен подвиг.

Сите тројца ни се пример за непоколебливост, смирение и светост. Да ги чествуваме со благодарност и да ги молиме за молитвено застапништво пред Бога.