Денеска се празнува Свети Никита Исповедник

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Свети Никита Исповедник

16 април 2025

• од Вардарски

Православната црква денес го чествува споменот на Свети Никита Исповедник, еден од големите столбови на верата и храбрите борци против иконоборството. Свети Никита е роден во градот Кесарија во областа Витинија. Рано останал без мајка, а неговиот татко, Филарет, по смртта на сопругата се замонашил, оставајќи го малиот Никита на грижа на баба му.

Уште од младост покажувал силен интерес кон науките и духовниот живот. По завршувањето на своето образование, се повлекол во Мидикискиот манастир, каде што го прифатил монашкиот живот под раководство на игуменот Никифор. Седум години подоцна, благодарение на својот побожен и посветен живот, бил ракоположен за јеромонах од страна на патријархот Тарасиј.

По смртта на неговиот духовен отец Никифор и близкиот пријател Атанасиј, браќата во манастирот едногласно го избрале Никита за игумен. Иако не сакал да ја прифати функцијата, тој сепак се подчинил на волјата на заедницата и продолжил да служи со длабока побожност и посветеност.

Во време на тешките години на иконоборството, кога царот Лав V Ерменин ја возобнови ересот и го симна патријархот Никифор, Свети Никита остана цврст во своето исповедање на вистинската православна вера. Беше затворан, мачен, подложен на глад, жед, студ и подбив, но не се поколеба. Особено страдаше од понижувањата на некој човек по име Никола, кој постојано го исмевал. Но, по една чудесна визија, Никола се покаја и дури почна да го брани светителот од другите.

По смртта на царот Лав и доаѓањето на престолот на царот Михаил Валвос, страдалниците за верата беа ослободени. Свети Никита се повлече во осамено место близу Цариград, каде што ги минал последните години во молитва и тишина.

Се упокои во Господ во 824 година. При преносот на неговото тело до манастирот, многу болни кои се допреле до неговите мошти биле исцелени. Неговите свети останки се положени покрај неговиот духовен отец Никифор и верниот пријател Атанасиј, сведочејќи за една света генерација монаси кои ја чуваа верата во време на прогон.