Денеска се празнува Светиот маченик Исидор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Светиот маченик Исидор

27 мај 2025

• од Вардарски

На 27 мај, православната црква молитвено го слави споменот на Светиот маченик Исидор Хиоски, храбар исповедник на христијанската вера и сведок на Христовата вистина во време на сурово гонење на христијаните.

Во времето на римскиот цар Декиј (владеел 249–251 г.), кога жестоко се прогонувала христијанската вера, Исидор бил насила земен во римската војска од неговиот роден остров Хиос. Од својата младост, Исидор живеел побожно, држејќи се за Христа со пост, молитва и добри дела.

Неговата вера не можела да остане скриена. Кога војводата дознал дека Исидор е христијанин, го повикал на одговор и му наредил да се одрече од Христа и да принесе жртва на римските идоли. Но Исидор не се поколебал. Му одговорил храбро и непоколебливо:

„И телото да ми го убиеш, над мојата душа немаш власт. Јас Го имам вистинскиот и жив Бог – Исус Христос, Кој и сега живее во мене, и по мојата смрт ќе биде со мене, и јас сум во Него и ќе останам во Него и нема да престанам да го исповедам Неговото Свето име додека духот е во моето тело.“

Поради оваа исповед, светиот Исидор бил подложен на сурови мачења – го биеле со воловски жили и му го отсекле јазикот. Но и без јазик, со силата на Светиот Дух, продолжил да говори и да го сведочи Христовото име, оставајќи ги сите присутни во восхит и страв.

Како знак на Божја казна, војводата што го мачел Исидор одеднаш онемел. Нем, со знак, наредил Исидор да биде убиен со меч. Светиот маченик со радост ја прифатил пресудата, благодарејќи Му на Бога и со слава го завршил својот живот, примајќи маченички венец во 251 година.

Неговиот верен другар, Амониј, чесно го погребал телото на маченикот. И тој, поради тоа, бил измачуван и убиен, така што и тој ја прими славата на мачеништвото.

Свети Исидор останува светол пример на храброст, вера и непоколеблива љубов кон Христа. Да се угледаме на неговата ревност и да го чуваме и исповедаме името Христово со сето срце.

Свети маченику Исидоре, моли Го Бога за нас!