Денеска се празнуваат Светите маченици Козма и Дамјан

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнуваат Светите маченици Козма и Дамјан

14 јули 2025

• од Станча Јаќимовски

Светите Козма и Дамјан се вбројуваат меѓу најпочитуваните христијански светители, познати како лекари, бесребреници и чудотворци. Родени се како браќа во Рим и од мали нозе биле крстени и воспитани во христијанската вера. Нивниот живот бил проникнат со благодатта Божја, преку која добиле дар да лекуваат болести и маки – не само кај луѓето, туку и кај животните. Исцелувањето го вршеле само со полагање на рацете, без употреба на лекови или надомест.

Она што особено ги одвојува од останатите лекари е нивната апсолутна несебичност. Никогаш не барале награда за својот труд – единственото што барале од болниот било вера во Господ Исус Христос. Иако наследиле големо богатство, тие сè го раздале на сиромашните и страдалниците, живеејќи скромно и побожно.

Во времето на римскиот цар Карин, кога христијанството било жестоко гонето, светите браќа биле уапсени и доведени пред царот. Биле мачени и натерани да се откажат од Христа и да принесат жртви на паганските идоли. Но, Козма и Дамјан останале непоколебливи во верата, сведочејќи за единствениот жив Бог. Му рекле на царот:
„Нашиот Бог не е создаден, туку е Создател на сè, а вашите богови се човечки измислици и дела од рацете на уметниците. И да ги немаше уметниците да ви ги направат тие богови, вие не би имале пред што да се поклонувате.“

Самиот цар станал сведок на нивната сила кога бил чудесно исцелен од тешка болест. Восхитен од нивната моќ и вера, Карин ги ослободил и јавно ја исповедал својата вера во Христа. Оттогаш, браќата продолжиле да го слават Бога и да лекуваат, стекнувајќи уште поголема слава меѓу народот.

Но нивната добрина и слава предизвикале завист кај еден лекар кој им бил поранешен учител. Под изговор дека ќе собираат лековити билки, ги одвел во планина и таму коварно ги убил со камења. Така, светите Козма и Дамјан маченички пострадале за Христовата вера во 284 година.

Црквата ги слави како големи светители, а нивниот спомен живее во срцата на верните низ вековите. Душите нивни се преселиле во Царството Божјо, каде вечно живеат во слава и радост.