Дерење на народот: 31 милион евра од патарини за шест месеци, а автопатите ни се полни со дупки

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Дерење на народот: 31 милион евра од патарини за шест месеци, а автопатите ни се полни со дупки

20 август 2026

• од Темелко Тошев

Граѓаните плаќаат астрономски суми за патарини, а за возврат добиваат искршени автомобили и автопати кои наликуваат на лунарен пејзаж. Според најновите податоци, од почетокот на годината до крајот на јуни, Јавното претпријатие за државни патишта (ЈПДП) инкасирало вртоглави 31 милион евра (над 1,9 милијарди денари) само од наплата на патарини.

Иако приходите се зголемени за речиси 22 милиони денари во споредба со истиот период лани, возачите со право се прашуваат: каде завршуваат овие народни пари? Наместо модерни, брзи и безбедни патишта, реалноста на терен се огромни дупки, кратери, нерамен асфалт кој ги уништува амортизерите и очајна сообраќајна сигнализација.

Најмногу возила поминале низ наплатната станица Тетово, а најмногу пари се собрани на Романовце, по што следат Миладиновци и Петровец. Иронично, токму коридорите кон Тетово и Куманово се меѓу оние каде возачите секојдневно ги ризикуваат своите животи поради катастрофалната состојба на коловозот. Ние плаќаме европски цени за патарини, а возиме по патишта кои се срам за една држава.

Додека тркалата на автомобилите отпаѓаат по дупките, од ЈПДП се фалат со зголемено користење на електронската наплата (M-Tag и M-Card) која овозможувала „побрзо поминување“. Но, граѓаните револтирано коментираат дека побрзото поминување на рампите само значи побрзо пристигнување до следната дупка на патот.

Како врв на апсурдот, надлежните сега ја разгледуваат можноста за воведување на систем за наплата по изминат километар, по примерот на Србија (затворен систем). Останува нејасно дали со новиот модел возачите ќе треба да плаќаат по изминат километар уништен асфалт.

За потсетување, минатата година државата собра дури 67,6 милиони евра од патарини. Милионите непречено се слеваат во државната каса, додека граѓаните остануваат да плаќаат двојно – еднаш за изгор скапите патарини, и вторпат за поправка на возилата уништени од негрижата на институциите.