ДУИ од Бутел: Градоначалник мора да биде Албанец

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ од Бутел: Градоначалник мора да биде Албанец

11 октомври 2025

• од Станча Јаќимовски

Во општина Бутел во тек е жестока и националистички обоена кампања од страна на Демократската унија за интеграција (ДУИ), каде, според изјави и снимени настапи, се повикува дека „градоначалник мора да биде Албанец, а не Дарко Костовски“.

И покрај ваквата реторика, најновите анкети покажуваат дека актуелниот градоначалник Дарко Костовски има убедлива предност со поддршка од 26 проценти, додека кандидатите од СДСМ и ДУИ имаат значително пониски рејтинзи од 5, односно 7 проценти.

Радикална реторика и притисоци

Последниве денови, кампањата на ДУИ во Бутел е проследена со јавни настапи под знамиња на Ослободителната војска на Косово (УЧК), при што се упатуваат пораки до гласачите да не го поддржуваат Костовски само затоа што е Македонец.

Паралелно со ова, според сведоштва од терен, се врши притисок врз дел од албанските граѓани кои јавно изразиле поддршка за Костовски поради неговите инфраструктурни проекти што ги подобруваат условите и во албанските населени места во општината.

Проекти кои ги обединуваат жителите

Дарко Костовски, како градоначалник, во изминатиот период реализираше неколку клучни проекти за целата општина — без оглед на етничката припадност на граѓаните. Меѓу нив се спомнуваат доведувањето на градскиот водовод до Љуботен, изградбата на нова поликлиника, нова градинка во Бутел 2 и ново училиште во населбата Визбегово.

Овие иницијативи, според поддржувачите, покажуваат дека фокусот на општинското раководство е развој и подобар живот за сите жители, а не етничка поделба.

Национализам или развој?

Политичките аналитичари предупредуваат дека враќањето на националистичката реторика во локалните избори може да ги продлабочи поделбите меѓу заедниците. „Времето на голиот национализам одамна помина. Денес граѓаните одбираат развој, а не поделби“, коментираат упатени извори.

Анкетите го потврдуваат токму тоа — мнозинството граѓани во Бутел се определуваат според проекти и конкретни резултати, а не според етничка припадност.