ДУИ: „Рубикон“ – симбол на институционален мрак?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: „Рубикон“ – симбол на институционален мрак?

21 април 2025

• од Вардарски

По трагичната несреќа во Кочани, во која животот го загубија неколку млади луѓе, Демократската унија за интеграција (ДУИ) остро реагира и бара итна одговорност од надлежните институции.

На протестот организиран од семејствата на жртвите, беа изнесени вознемирувачки информации поврзани со агенцијата за обезбедување „Рубикон“ – информации кои ниту се демантирани, ниту објаснети од страна на државните органи.

ДУИ поставува директни прашања до институциите, особено до Министерството за внатрешни работи:

Дали „Рубикон“ поседува валидна лиценца за работа?
Колку од нејзините вработени се соодветно обучени и лиценцирани?
Кои други објекти или настани ги обезбедува оваа агенција?
Дали досега била предмет на инспекциски надзор и какви биле резултатите?
Зошто полицијата не реагирала, иако во објект под надзор на „Рубикон“ имало малолетници по полноќ, слободна продажба и консумација на алкохол, пиротехника и нарушување на јавниот ред?

Од партијата нагласуваат дека овие прашања не се дел од дневнополитички препукувања, туку се основно барање за институционална отчетност и одговорност.

„Трагедијата не смее да се претвори во уште еден заташкан случај. Очекуваме брза, темелна и транспарентна истрага – за улогата на ‘Рубикон’, за нејзините врски со државните институции и за пропустите на МВР“, се вели во соопштението на ДУИ.

Македонската јавност бара одговори. Молкот повеќе не е опција.