Двојни аршини: Функционерите добија 100 евра повеќе, работниците само 30 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Двојни аршини: Функционерите добија 100 евра повеќе, работниците само 30 евра

29 април 2025

• од Вардарски

Македонската јавност со право е разочарана по најновите одлуки на Владата околу платите – додека функционерите уживаат покачување од околу 100 евра, работниците ќе мора да се задоволат со едвај 30 евра дополнително.

Минималната плата од април 2025 година ќе изнесува 24.400 денари, што според Сојузот на синдикати на Македонија (ССМ) не е доволно ни да се покрие една ставка од синдикалната минимална кошничка, која за јануари 2025 година достигна 63.252 денари. Владата пак се пофали дека со ова покачување го „подобрува животниот стандард“ на граѓаните.

Во меѓувреме, премиерот Христијан Мицкоски доби зголемување на платата за 100 евра, со што неговата нето-плата ќе изнесува околу 146.822 денари. Иако најави дека минималната плата може дополнително да се зголеми доколку се постигне договор меѓу работодавачите и работниците, преговорите се заглавени. Работодавачите бараат замрзнување на придонесите, што министерката за финансии Гордана Кочоска-Димитровска го одби.

Дополнително, синдикатите алармираат за сериозно нарушување на социјалниот дијалог. ССМ обвинува дека Владата еднострано ја утврди висината на минималната плата, без консултација со синдикатите и работодавачите, што е спротивно и на националните и на меѓународните стандарди.

Наместо реално подобрување на животниот стандард, работниците се соочуваат со високи цени на храна, енергенси и трошоци за домување, додека малото покачување на минималната плата едвај ќе ги покрие новите трошоци. Според пресметките, само за основни прехранбени производи и пијалаци сега се потребни над 23.000 денари месечно.

Дополнително разочарување предизвика тоа што платите на функционерите не се намалија, туку напротив, продолжија да растат благодарение на автоматското поврзување со просечната бруто-плата во државата. Иако беа изменети коефициентите за пресметка на платите, зголемувањето на основицата (просечната плата) резултираше со повисоки примања.

И додека работниците тешко ги врзуваат крај со крај, функционерите, меѓу кои и министрите, премиерот, па и градоначалниците, ќе добиваат плати повисоки за десетици илјади денари. Само платата на премиерот, со сите додатоци, ќе достигне над 216.000 денари бруто.

Од ССМ најавија дека ќе продолжат да се борат за минимална плата од 500 евра и за покачување на сите други плати за најмалку 6.000 денари. Велат дека моменталната политика на владата води кон продлабочување на сиромаштијата и нов бран на иселување, бидејќи платите во регионот веќе се далеку повисоки.

Со актуелните политики, впечатокот е јасен: додека функционерите се офајдија со стабилни и повисоки примања, работниците останаа да живеат од трошки.