Експертката В'лкова: Пленковиќ се заканувал на европратеници за да гласаат против Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Експертката В'лкова: Пленковиќ се заканувал на европратеници за да гласаат против Бугарија

11 јули 2025

• од Станча Јаќимовски

Хрватскиот премиер Андреј Пленковиќ директно им се заканувал на хрватските европратеници со санкции доколку не гласаат во поддршка на Северна Македонија во Европскиот парламент, и тоа на сметка на бугарските интереси. Ова го тврди Малинка В'лкова, експерт за меѓународни односи и дипломатија од фондацијата „Македонија“, во интервју за бугарскиот медиум Lupa.bg.

Во разговорот, В'лкова открива дека токму поради ова лобирање, бугарскиот премиер Росен Желјазков и министерот за надворешни работи Георг Георгиев одлучиле да го бојкотираат безбедносниот форум во Загреб. Според неа, Бугарија јасно ѝ укажала на Хрватска дека се дистанцира од настанот поради нејзината поддршка за Северна Македонија во Европскиот парламент, што се смета за предавство кон Бугарија.

„Македонски јазик и идентитет“ – спорен дел од извештајот

В'лкова во интервјуто детално објаснува и зошто е важно што европратениците ја отфрлиле формулацијата „македонски јазик и идентитет“ од извештајот за напредокот на РСМ. Таа упати пофалби до бугарските и европските пратеници кои успеале да се изборат во документот да остане единствено терминот „модерен“, со што се избегнува, како што вели, легитимирање на една „измислена“ национална конструкција без историска основа.

Според В'лкова, не е прифатливо држава-кандидат за членство да добива предност и признание на контроверзни прашања како што се идентитет и јазик. Таа апелира бугарските институции да не реагираат во последен момент, туку однапред да ги користат сите дипломатски и лобистички механизми за заштита на националните интереси.

118 години од битката кај врвот Ножот – симбол на отпор и жртва

Интервјуто завршува со фокус на годишнината од крвавата битка кај врвот Ножот, што се одржала на 14 јули пред 118 години. В'лкова најавува дека фондацијата „Македонија“ ќе организира чествување на настанот, кој го опишува како симбол на непокорот и жртвата на бугарските револуционери од ВМОРО.

Таа потсетува дека борците од таа чета, во обид да не паднат живи во рацете на Турците, се самоубиле – некои со револвери, други легнувајќи врз експлозив. Слични примери има и од историјата, како четириесетте девојки што скокнале од нос Калиакра.

В'лкова укажува дека македонските власти со години избегнуваат заедничко одбележување на историјата, иако тоа е предвидено во Договорот за пријателство и добрососедство од 2017 година. Поради тоа, чествувањето ќе се одржи на 14 јули, еден ден по настанот што го организираат македонските институции, со цел да се избегнат тензии. Таа дури додава дека постои можност и самата да добие забрана за влез во РСМ, како што тоа веќе им се случило на други бугарски јавни личности и политичари.

Извор: [lupa.bg](https://lupa.bg/news/ekspert-pred-lupabg-rosen-zhelyazkov-boikotira-foruma-za-otbrana-v-zagreb-zaradi-predatelstvoto-na-plenkovich_360993news.html)