Екстрадиран државјанин на Северна Македонија од Косово по меѓународна потерница

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Екстрадиран државјанин на Северна Македонија од Косово по меѓународна потерница

21 јануари 2026

• од Тодор Вангелов

Полицијата на Косово соопшти дека денеска успешно е реализирана екстрадиција на државјанин на Северна Македонија од територијата на Република Косово кон Северна Македонија, по меѓународна потерница издадена од македонските правосудни органи.

Според официјалното соопштение, екстрадицијата е спроведена од страна на Дирекцијата за меѓународна полициска соработка при Полицијата на Косово, во тесна координација со релевантните полициски единици и институциите на правдата. Лицето било екстрадирано на 19 јануари 2026 година.

Претходно, осомничениот бил уапсен од страна на косовската полиција, откако по него била распишана меѓународна потерница. Станува збор за лице кое избегало од издржување затворска казна во Северна Македонија, каде што било осудено за кривично дело „грабеж“.

Од Полицијата на Косово истакнуваат дека целиот процес на екстрадиција е реализиран во согласност со важечките законски процедури и како резултат на успешната меѓуинституционална соработка меѓу косовските и македонските надлежни органи.

Дирекцијата за меѓународна полициска соработка најави дека ќе продолжи со размена на информации и координација со домашните институции, партнерските држави и меѓународните организации, со цел спречување, истражување и откривање на криминални активности, како и лоцирање, приведување и апсење на лица и криминални групи кои дејствуваат во и надвор од Косово.