Филипче: Со ВМРО-ДПМНЕ Македонија ќе остане периферија и на Балканот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Со ВМРО-ДПМНЕ Македонија ќе остане периферија и на Балканот

17 септември 2025

• од Гоце Кически

Лидерот на СДСМ, Венко Филипче, вчера се обрати пред граѓаните во Свети Николе, испраќајќи силни критики кон владеењето на ВМРО-ДПМНЕ и нивните коалициски партнери, но и повик за мобилизација пред претстојните локални избори.

Филипче оцени дека земјата е сведок на „хаос во институциите, тотална партизација и селективна правда“ и предупреди дека евроинтегративниот процес е целосно запрен.
„Што ќе бидеме ако продолжи ВМРО-ДПМНЕ и нивните сојузници без контрола да владеат? Ќе бидеме тешка периферија на Европа, Албанија ќе биде Европа за нас, ќе тонеме во сиромаштија и ќе имаме седум милијарди евра кредити за враќање,“ рече тој.

Како особено алармантен го посочи трендот на иселување на младите. Според него, примерот од Делчево е поразителен: „Во Делчево, 90 од 100 матуранти се запишале на факултет во Бугарија. Младите нема да ги враќаат кредитите на ДПМНЕ – тие ќе си заминат од земјата.“

Филипче истакна дека СДСМ ја гледа својата улога во враќање на надежта и довербата кај граѓаните преку силна и мотивирачка кампања. Тој најави борба за „чисти улици, безбедни и осветлени градови, функционални општини и локална самоуправа што ќе биде навистина отворена и инклузивна“.

„Сигурен сум дека нашите кандидати за градоначалници и советници ќе бидат луѓе кои ќе ги исполнат ветувањата – транспарентни, отворени и чесни кон граѓаните,“ порача лидерот на СДСМ.

Филипче заврши со апел за обединување околу европската иднина на Македонија: „Ние немаме друга опција освен заедно да ја вратиме нашата мала држава на европскиот пат и да изградиме подобар живот дома.“