Филипче: Владата е незаинтересирана за стандардот на граѓаните и работниците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Владата е незаинтересирана за стандардот на граѓаните и работниците

07 март 2025

• од Вардарски

Зголемувањето на БДП се должи на зголемената внатрешна побарувачка, особено во градежните активности поврзани со Коридорите 8 и 10 и ништо повеќе, оцени вечерва претседателот на опозициската СДСМ Венко Филипче.

– Сè друго стагнира. Капиталните инвестиции исто така стагнираат – во првите два месеци од годинава реализацијата е само 2 процети, за разлика од 12 проценти во истиот период од 2024 година. Имаме сериозен проблем со иселувањето на младата работна сила, извозот се намалува, а компаниите во економските зони отпуштаат работници, рече Филипче во интервју за ТВ Канал 5.

Според него, сите економски параметри се намалуваат, а растот на инвестициите, како што наведува, со кој се фали власта е резултат на позитивните политики на Владата предводена од СДСМ.

– Тоа се инвестиции кои биле проектирани и започнати за време на нашата Влада. Какви инвестиции ќе донесе оваа Влада, ќе видиме дури во втората половина на оваа година, бидејќи најмалку толку време е потребно за да се подготви инвестициски проект, рече Филипче.

Оцени дека е несериозен ставот на Владата дека зголемувањето на платите треба да биде предмет на договор меѓу работодавачите и работниците и истакна дека со што директно се нарушува принципот на функционирање на Економско-социјалниот совет.

Нагласи дека Владата е незаинтересирана за стандардот на граѓаните и работниците.

– Нема 50 милиони евра за плати, а има 500 милиони евра за тротоари и фонтани. Ако навистина економијата оди добро, зошто премиерот не ги зголемува платите, туку вели дека нема пари? Очигледно нешто не е како што треба. Храната поскапе за 20 проценти, струјата за 30 проценти, парното за 5 проценти, а трошоците за живот се зголемени за 5 проценти. Ако тоа не бара инвестирање во платите, што друго бара?, рече Филипче.

Високите сметки за струја, рече тој, не се поради лошото читање туку поради лошото менаџирање.

-Наводно било читањето во сметките. Па во управниот одбор на ЕВН владин претставник е член на ВМРО-ДПМНЕ Гиевски висок функционер. Во ЕВН ХОМЕ тој што ги пресметува сметките е син на поранешен градоначалник на ВМРО-ДПМНЕ Митревски и сега ВМРО-ДПМНЕ ќе каже немаме ние врска со тоа. Не, купуваат струја на пазарот затоа што нема доволно производство, а луѓето и граѓаните во услови кога цената на меѓународниот пазар на берзата е 110-120 евра за мегават час наспроти 550-те во наше време за време на енергетската криза, плаќаат 30 проценти поголеми сметки за струја. Кој криминал е тука, пак ќе кажам сите коишто си истражуваат пак да си истражат до крај, рече Филипче.