Филипче: Владината коалиција е нефункционална, граѓаните секојдневно го чувствуваат тоа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Владината коалиција е нефункционална, граѓаните секојдневно го чувствуваат тоа

25 април 2025

• од Вардарски

Претседателот на СДСМ, д-р Венко Филипче, во одговор на новинарско прашање, остро ја критикуваше моменталната состојба во владината коалиција, нагласувајќи дека таа е нестабилна и нефункционална. Според него, граѓаните секојдневно ги чувствуваат последиците од оваа нефункционалност.

„Јавноста во краток период е сведок на дијаметрално спротивни изјави за предвремени избори, што само го потврдува нарушеното функционирање на коалицијата. Граѓаните секој ден го чувствуваат тоа на своја кожа“, изјави Филипче.

Тој упати сериозни критики за перформансот на Владата, кој го оцени како загрижувачки на повеќе нивоа. Посочи на лошата економска стратегија, недостигот на реализација на капитални инвестиции и сериозните проблеми со исплатата на плати во клучни институции. Особено го нагласи фактот што по трагедијата во Кочани, некои инспекторати, социјални служби, па дури и Министерствата за култура и економија се без исплатени плати.

Филипче ја истакна и загриженоста за селективниот пристап во истрагата за трагедијата во Кочани, обвинувајќи за прикривање на одговорноста на поединци и функционери од Министерството за внатрешни работи.

Сепак, тој порача дека СДСМ е целосно подготвен за сите можни изборни сценарија, вклучително и за редовните локални избори и за евентуални предвремени парламентарни избори. Внатрепартиските процеси за избор на кандидати за локалните избори се веќе започнати, а десетина кандидати за градоначалници ќе бидат промовирани следната недела.

Филипче најави дека коалицијата предводена од СДСМ, која брои 14-15 партии, во принцип ќе настапи заеднички на локалните избори, иако во некои општини партиите ќе настапуваат самостојно. Паралелно се водат и првични иницијативи за соработка со потенцијални албански коалициски партнери.

„СДСМ останува отворен за разговори со сите политички субјекти и подготвен за секој политички развој. Подготвени сме и за локални избори и за предвремени парламентарни избори“, заклучи Филипче.