Филипче: Вметнувањето на Бугарите во Уставот не е предавство, туку пат кон ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Вметнувањето на Бугарите во Уставот не е предавство, туку пат кон ЕУ

26 декември 2025

• од Станча Јаќимовски

Претседателот на СДСМ, Венко Филипче, на денешната прес-конференција остро ја критикуваше актуелната власт, обвинувајќи ја дека намерно го прикажува вметнувањето на Бугарите во Уставот како „предавство“, со цел да се избегнат суштински реформи и да продолжат криминалот и корупцијата.

Според Филипче, прашањето со Бугарија е веќе завршена работа, а уставните измени претставуваат само еден од механизмите преку кои државата може да го продолжи европскиот пат. Тој нагласи дека внесувањето на Бугарите во Уставот не е отстапка што ја загрозува државата, туку чекор кој ќе ја доближи Македонија до Европската Унија – стратешка цел кон која, како што рече, се стреми со децении.

„Тоа е уште една форма на извртување на фактите и спинување, за да се претстави нешто како предавство, а во суштина да нема реформи, европски обвинители и вистинска трансформација на правосудството. Целта е да продолжи да цвета криминалот и корупцијата“, истакна Филипче, директно обвинувајќи ја власта.

Во своето обраќање, лидерот на СДСМ се осврна и на, како што ја нарече, очигледната соработка меѓу македонските власти и српската власт предводена од претседателот Александар Вучиќ и партијата СНС. Филипче оцени дека јавноста сè појасно забележува како премиерот Христијан Мицкоски се обидува да го имитира Вучиќ – од начинот на говор, преку говорот на телото, па сè до концептот на политичките изјави – поради што го нарече „малиот Вучиќ“.

Тој направи и споредба меѓу трагедијата во дискотеката „Пулс“ во Кочани и трагедијата на железничката станица во Нови Сад, потенцирајќи дека и во двата случаи постои селективна правда. Според Филипче, во случајот со Кочани има функционери од власта кои се целосно заштитени и не се опфатени со истрагата.

На крајот, Филипче повтори дека уставните измени се неопходен чекор за европската иднина на државата и дека манипулациите со ова прашање служат исклучиво за одржување на статус-квото, наместо за вистински напредок и владеење на правото.