11 декември 2025
• од Станча Јаќимовски
Град Скопје упатува јасен и итен апел до сите граѓани и компании кои имаат заостанати даночни обврски: време е да ги подмирате долговите и да избегнете дополнителни трошоци, казни и присилна наплата.
Според евиденцијата на Секторот за даноци на имот и комунални такси, вкупниот долг што го должат даночните обврзници за периодот од 2020 до 2025 година надминува 36 милиони евра. Долгот се однесува на:
Градските власти потсетуваат дека редовната наплата на даноците и таксите претставува основа за финансирање на инфраструктурата, јавните услуги, образованието и сите клучни сегменти од функционирањето на градот.
Обврските може да се подмират на шалтерите на Град Скопје секој работен ден од 8:00 до 19:00 часот, како и во сабота на 13.12.2025 година.
Граѓаните и компаниите, исто така, имаат можност да направат електронска проверка и уплата преку официјалната платформа: https://danoci.skopje.gov.mk.
Законот за даноци на имот предвидува дека сите неплатени долгови, заедно со парични казни и камати, ќе бидат наплатени по присилен пат доколку не се подмират доброволно во пропишаниот рок. Овој процес може да доведе до значително повисоки трошоци за обврзниците.
Град Скопје уште еднаш ги потсетува граѓаните: навремено подмирување на обврските е најдобриот начин да се избегнат непотребни трошоци и соочување со извршители. Платете го данокот на време и придонесете кон поефикасно функционирање на градските услуги и развојот на Скопје.
СДСМ бара одговор: Ќе ја потпише ли ВМРО-ДПМНЕ Резолуцијата за мигрантите?
Ненадминливи Понуди Дневно
4.8 (10276 рецензии)
Заштедете 152.00 ден

