Инфлацијата повторно расте: трошоците за храна скокнаа за 7,5%

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Инфлацијата повторно расте: трошоците за храна скокнаа за 7,5%

08 април 2026

• од Станча Јаќимовски

Инфлацијата во земјата бележи нов раст, покажуваат најновите податоци на Државен завод за статистика. Во март, стапката на инфлација достигнала 4,9 проценти на годишно ниво, што претставува зголемување во споредба со истиот период минатата година. Воедно, малопродажните цени се зголемиле за 3,4 проценти.

Особено загрижувачки е порастот на трошоците за основни животни потреби. Трошоците за храна и безалкохолни пијалаци се зголемиле за значајни 7,5 проценти, што директно го погодува домашниот буџет на граѓаните. Покрај тоа, во текот на една година поскапеле и облеката и обувките, здравствените услуги, како и услугите поврзани со рекреација, спорт и култура. Раст е забележан и кај цените во рестораните, сместувањето и образованието.

Ако се направи споредба со претходниот месец, февруари, трошоците на живот се зголемени за дополнителни 0,7 проценти, што укажува на континуиран притисок врз цените.

Според проценките на Владата, ваквото забрзување на инфлацијата било очекувано. Премиерот Христијан Мицкоски изјави дека се прават детални анализи и најави нов пакет мерки по Велигден, насочени кон ублажување на ценовниот удар врз граѓаните.

„Следните мерки ќе бидат понасочени кон одредени категории граѓани и основните прехранбени производи. Тие ќе вклучуваат комбинација од намалување на ДДВ, како и ограничување на профитните маржи“, истакна Мицкоски.

Во меѓувреме, економските експерти предупредуваат дека потенцијалните последици од кризата на Блискиот Исток може да бидат значително посериозни од оние во 2022 година — дури и до трипати поголеми. Тие апелираат до Владата за итни и ефикасни мерки со цел заштита на животниот стандард на населението.

Со оглед на тековните трендови, останува неизвесно дали најавените политики ќе бидат доволни за стабилизирање на цените и намалување на инфлаторниот притисок во наредниот период.