Касами: Албанскиот буквар конечно е дел од наставата во училиштата во С: Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Касами: Албанскиот буквар конечно е дел од наставата во училиштата во С: Македонија

14 мај 2025

• од Вардарски

Во интервју за емисијата „360 степени“ на МРТ1, Биљал Касами, градоначалник на Тетово и еден од лидерите на коалицијата ВЛЕН, истакна дека иако не се исполнети сите ветувања од изборната програма, сепак има значајни придвижувања, особено во доменот на образованието и употребата на албанскиот јазик.

Касами го потенцираше фактот дека со доаѓањето на ВЛЕН на политичката сцена, албанскиот буквар конечно е вклучен во наставата на албански јазик во училиштата во Македонија. Тој ја посочи и потребата од отворање на Уставот како можност за унапредување на правата на Албанците, вклучително и укинувањето на одредбата за „20 отсто“ како услов за официјалната употреба на албанскиот јазик.

„Тоа што не се отстрани оваа одредба не беше проблем со македонските политички партии – тие отворено кажаа дека немаат ништо против. Проблемот беше во ДУИ, која сакаше да ги задржи правата на Албанците врз основа на проценти, со цел тие да се користат за политички цели,“ изјави Касами.

Тој ја искритикува и претходната коалиција на ДУИ со ВМРО-ДПМНЕ, нагласувајќи дека огромни јавни средства завршиле во проектот „Скопје 2014“ наместо во проекти што ќе го подобрат животот на граѓаните во општините каде што живеат Албанци.

Во врска со иницијативата за основање албанска академија на науките и уметностите, Касами рече дека ВЛЕН останува посветен на таа идеја. Според него, формата – дали ќе се создаде нова институција или ќе се интегрира во рамките на постојната МАНУ – е прашање на институционално поставување, а не суштинска дилема.

На прашањето дали Општина Тетово финансиски го поддржува здружението кое работи на основање на академијата, Касами одговори дека не постои формална финансиска поддршка, но дека општината нуди поддршка на други начини.

Кога станува збор за резултатите на министрите од редовите на БЕСА во актуелната влада, Касами ги истакна видливите резултати во секторот социјална политика, демографија и млади. Според него, се отвараат нови градинки и се вработува персонал, особено во западниот дел на државата, каде што тие објекти најмногу им користат на албанските деца. Во однос на Министерството за економија, Касами посочи дека институцијата е во фаза на транзиција и дека вистинските резултати ќе се видат откако ќе се заокружи процесот на реструктурирање.

Со овој настап, Касами испраќа порака дека ВЛЕН продолжува да работи на реализација на својата програма и дека политичката волја постои – прашање е, според него, само на време и соодветна политичка поставеност.