Кошта пристигна со јасна порака во Скопје: Бугарите во Уставот за побрз пат кон ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кошта пристигна со јасна порака во Скопје: Бугарите во Уставот за побрз пат кон ЕУ

15 мај 2025

• од Вардарски

Претседателот на Европскиот совет, Антонио Кошта, денеска пристигна во официјална посета на Скопје, каде што беше пречекан од министерот за европски прашања, Орхан Муртезани. Посетата е дел од неговата балканска турнеја, чија цел е потврда на поддршката на Европската Унија за европската перспектива на земјите од регионот.

Кошта се сретна со премиерот Христијан Мицкоски, а по средбата порача дека Северна Македонија има европска иднина, но и дека за напредокот на земјата на патот кон ЕУ потребно е исполнување на преземените обврски – меѓу кои и уставните измени за впишување на Бугарите во Уставот.

„Европската Унија ја гледа Северна Македонија како дел од своето семејство, но реформите и исполнувањето на договорените чекори остануваат клучни. Вклучувањето на бугарската заедница во Уставот е важен чекор за продолжување на преговорите“, истакна Кошта.

Министерот Муртезани, кој го пречека Кошта на аеродромот, изјави дека оваа посета е значајна порака на охрабрување за целиот регион. Тој додаде дека Владата останува посветена на европската агенда и дека интеграцијата во ЕУ не е само стратешка цел, туку и вредносна определба.

Кошта, кој претходно ги посети Белград и Сараево, ја користи оваа турнеја за да ја нагласи заложбата на Европската Унија за иднината на Западниот Балкан и потребата од конкретни чекори од страна на земјите-кандидати за забрзување на процесот на пристапување.