Курти од Битола: Јазикот е природната сила што ги обединува Албанците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Курти од Битола: Јазикот е природната сила што ги обединува Албанците

23 ноември 2025

• од Станча Јаќимовски

Привремениот премиер на Косово, Албин Курти, ја посети Битола по повод 22 Ноември – Денот на албанската азбука.

Во пораката објавена по повод 117-годишнината од Битолскиот конгрес, Курти ја истакна историската и политичката важност на унифицираното писмо на албанскиот јазик, оценувајќи го како темел на националното обединување, над сите можни поделби.

Курти потсети дека напорите за стандардизација на албанскиот јазик – од Конгресот во Битола во 1908 година, па сè до Конгресот на правописот во 1972 година – не биле само практични напори, туку длабоко поврзани со идејата за национално единство. Според него, негата и развојот на единствен, стандарден пишан јазик била и останува основа за надминување на политичките, регионалните и идеолошките разлики, претворајќи го народот во заедница не само човечка, туку и духовна.

„Нацијата не е во минатото; таа е во сегашноста и иднината. Јазикот нè прави заедно природно, а политички нè обединува неговиот единствен правопис“, изјави Курти.

Тој посочи дека 22 ноември е еден од најзначајните национални празници, додека Битола ја постави рамо до рамо со Призрен и Влорë како три клучни точки во албанската историја. Според Курти, одбележувањето на Конгресот на Битола и Собранието во Влорë во истата недела ја поврзува културата и јазикот со идеалите за слобода и самоопределување.

На крајот, премиерот упати честитка: „Среќна 117-годишнина од Конгресот на Азбуката!“, пренесувајќи ја пораката за зачувување и унапредување на единството и развојот на Албанците.