Левица бара одговорност за загадената вода: На гостиварци им течел отров од чешмите, а институциите спиеле

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица бара одговорност за загадената вода: На гостиварци им течел отров од чешмите, а институциите спиеле

21 јули 2026

• од Темелко Тошев

Партијата Левица упати остри критики до надлежните институции по најновите наоди од Основното јавно обвинителство (ОЈО) – Гостивар, кои откриваат скандалозни детали за загадената вода за пиење во градот. Според партијата, овој случај претставува сериозен институционален пропуст со кој директно било загрозено здравјето на граѓаните.

Од Левица посочуваат дека, според информациите од Обвинителството, во градскиот водоснабдителен систем со пумпи била внесувана силно загадена површинска вода од отворен канал. Оваа вода содржела високи концентрации на фекални бактерии, а во исто време, во водата од чешмите биле измерени нивоа на резидуален хлор кои драстично ги надминуваат законски дозволените граници.

„Жителите на Гостивар речиси три недели биле изложени на овој ризик, додека надлежните институции спиеле и не презеле навремени мерки“, обвинуваат од партијата.

Во нивната реакција директно се прозива синџирот на одговорност, при што се поставуваат сериозни прашања за (не)постапувањето на:

Министерството за здравство
Институтот за јавно здравје (ИЈЗ)
Центарот за јавно здравје (ЦЈЗ) – Тетово
Државниот санитарен и здравствен инспекторат (ДСЗИ)
Агенцијата за храна и ветеринарство
Општина Гостивар

Спорен извештај на ЦЈЗ - Тетово

Посебен акцент во реакцијата на Левица се става на стручното мислење издадено од ЦЈЗ – Тетово на 29 јуни. Во овој извештај, според партијата, било наведено дека испитаниот примерок вода ги исполнува законските критериуми.

Поради ова, од Левица бараат Обвинителството итно да ја обезбеди целокупната документација поврзана со тој извештај, а ДСЗИ, Министерството за здравство и ИЈЗ да спроведат дополнителни, независни проверки.

Приведувањата не се доволни

Иако веќе се приведени тројца раководители од Јавното претпријатие „Комуналец“ – Гостивар, Левица оценува дека тоа не смее да биде единствениот исход од истрагата.

Тие инсистираат истрагата да се прошири и да ги опфати апсолутно сите лица кои дале наредба, знаеле за проблемот, го прикривале или не постапиле навреме за да го спречат овој еколошки и здравствен инцидент.